Бүген мәктәбебездә  студентлар белән очрашу кичәсе үтте. Мәктәпне төрле елларда тәмамлап, бүгенге көндә югары һәм махсус  уку йортларында белем алуларын дәвам итүче студент кызлар, егетләр туган ояларын сагынып кайткан кошлар кебек, очрашуга җыелдылар. Студентлар үзләренең укулары,уңышлары белән уртаклаштылар,укытучыларга олы рәхмәтләрен җиткерделәр.  Бәйрәм кичәсе уен-көлке, җыр-бию, конкурслар белән үрелеп барды.

Бүген 8-11нче сыйныфлар өчен "Гражданин.Җәмгыять.Дәүләт" дигән тема буенча парламент дәресе үткәрелде. Тарих укытучысы Сөләйманова Н.М. әлеге төшенчәләр турында сөйләде. Дәрестә Эзмә авыл җирлеге буенча район Советы депутаты Гайфиев Р.Ш. катнашты. Укучылар үзләрен кызыксындырган сорауларга җаваплар алдылар.

Эзмә авыл җирлеге буенча бүген "Чаңгы юлы-2016" үткәрелде. Әлеге чарада мәктәбебез укучылары һәм укытучылары да бик актив катнашты. Ярыштан соң кайнар коймак белән чәй эчү оештырылды.

Мәктәбебездә хәрби-патриотик тәрбия бирү айлыгы бара. Шул уңайдан, укучыларыбыз арасында "Ил сакчысы Һөнәре", "Батырлар исеме белән аталган" темалары буенча иҗади эшләр башкарылды. Иң яхшы дип табылганнары күргәзмәгә куелды.

"Безнең мәхәллә мәчете" конкурсында мәктәбебездән 5 укучы катнашты, бу  укучылар һәм аларның укытучылары сертификатлар белән , ә 1нче урынны алган  2б сыйныфы укучысы Закарова Нәфисә грамота һәм кыйммәтле приз белән бүләкләнде.Чын күңелдән котлыйбыз! 

Кыш көне кошларга азык табуы бик кыен. Шуңа күрә, кышкы салкыннар башлану  белән, мәктәп ишегалдына җимлекләр эләбез.Укучыларыбыз  җимлекләрне һәрдаим карап, җимнәр салып торалар.

Бүген мәктәбебездә барлык укучылар һәм укытучылар бер-берсенә тәмле сүзләр белән эндәштеләр, чөнки атналыкның бүгенге көне "Тәмле сүзләр көне" дип аталды. Педагог-организатор Зиганшина Н.С. әлеге тема буенча сбор үткәрде. Сбор ахырында укучылар, тәмле сүзләрне һәрвакыт кулланырга кирәк, дигән нәтиҗәгә килделәр. Шулай ук атналыкка йомгак ясалып, иң актив укучыларга, иң актив сыйныфларга мактау грамоталары тапшырылды.

2016-2017нче уку елында 1нче сыйныфка укырга керүче  балалар  өчен бүген мәктәпкә әзерлек дәресләре  башланды. 

Атналыкның 5нче көне физкультура фәненә багышланды. Укучыларыбыз өчен "Күңелле стартлар" уены оештырылып, иң җитез командалар билгеләнде.

Әлеге көн "День без ошибок" дип аталды. Укучылар диктантлар язып, хатасыз, каллиграфик дөрес язучы укучыларны билгеләделәр.