"Дуслык" ял һәм сәламәтләндерү лагерена йөрүче укучыларыбыз арасында бүген "Иң йөгерек укучы" конкурсы үткәрелде, "Китап - иң якын дустыбыз" дигән  тема буенча  иҗади эшләр эшләделәр. Җиңүче укучыларга грамоталар һәм истәлек бүләкләре тапшырылды. Шулай ук мәктәп музеенда булып, экспонатлар белән таныштылар, спорт мәйданчыгында төрле хәрәкәтле уеннар уйнадылар.

Лагерьдагы бүгенге көнебез дә күңелле һәм файдалы үтте. "Оригами" һәм "Дөньяның төрле төсләре" дигән шөгыльләрдән соң, укучылар инеш буена экскурсиягә чыктылар. Елга буйларында үз-үзеңне тоту кагыйдәләрен тагын бер кат исләренә төшерделәр. Төшке аштан соң, спорт мәйданчыгында төрле хәрәкәтле уеннар уйнадылар.

Бүген лагерьдагы эшчәнлегебез Россия көненә багышланды. Иртәнге линейка Россия гимнын җырлау белән башланды. Россия, Россия көне турында әңгәмә, "Ә мин Россиядә яшим" дигән тема буенча викторина, спартакиада үткәрелде. Төшке аштан соң укучылар мәдәният  йортында әлеге датага багышланган чарада катнаштылар. 

Лагерьга йөрүче укучылар белән бүген болынга экскурсия оештырылып, дару үләннәре белән таныштырылды. "Үсемлекләрне ничек сакларга?" дигән тема буенча әңгәмә һәм "Алар чәчәк ата, йөрәкләрне җылытып" дип исемләнгән викторина үткәрелде. Шулай ук отрядларга бүленеп, халык әкиятләрен сәхнәләштерергә әзерлек эшләре башкарылды. Соңыннан күңелле биюләр булды.

Бүген "Дуслык" лагерена йөрүче укучылар белән математик квест - уен үткәрелде. Төшке аштан соң мәдәният йортында халкыбызның җырлы-биюле уеннары оештырылды.

Бүген "Дуслык" лагерена йөрүче укучыларыбыз "Сабантуй" спорт комплексында һәм "Семицветик" психологик үзәктә экскурсиядә булдылар.

Лагерьнең бүген 6нчы көне. Иртәнге аштан соң укучылар белән "По волнам памяти" дип исемләнгән чара һәм хәрби җырлар конкурсы үткәрелде . Шулай ук "Дуслык һәм изгелек утравы" дип аталган  гомуми лагерь мероприятиесе дә күңелле һәм файдалы булды. 

Бүген лагеребыз "Рус теле көне"нә багышланды. Укучыларыбыз белән А.С.Пушкин әсәрләре буенча сәяхәт, әкиятләренә карата рәсем конкурсы оештырылды,  "О, великий, могучий русский язык!" дигән тема буенча брейн-ринг үткәрелде. Шулай ук мәдәният йорты белән берлектә үткәрелгән чарада да укучыларыбыз бик актив катнашты. Психологлар Алинә Икрамовна һәм Ләйсән Тәлгатовна да лагеребызда булып, укучыларыбыз белән психологик уеннар үткәрделәр.

Лаагерьнең бүгенге көне дә сизелми дә үтеп китте. "Наркотикларсыз тормыш" айлыгы кысаларында укучылар белән видеофильм карау һәм рәсем конкурсы оештырылды, иң яхшы дип табылган рәсемнәр күргәзмәгә куелды. Отрядларга бүленеп өстәл уеннары уйнадылар.Төшке аштан соң саф һавада хәрәкәтле уеннар да балалар күңеленә хуш килде.

Бүгенге көнебез дә мавыктыргыч чараларга бай булды. Балалар отрядларга бүленеп, "Минем Ватаным" дигән тема буенча проект эше - макетлар эшләделәр. Аннан соң, лагерьның тантаналы ачылуы уңаеннан, концерт оештырылды. Әлеге чарадан бер генә укучы да читтә калмады. Төшке аштан соң, "Состязяния здоровячков" үткәрелде.