Бүген үзенең 31 ел гомерен балаларга белем һәм тәрбия бирүгә багышлаган,  район укытучылары ,мәктәп коллективы, укучылар,әти-әниләр арасында зур хөрмәткә ия булган Рәмзия Рәшитовна Хуҗәхмәтованың 55 яшьлек юбилее.

Чын күңелдән Сезне тәбриклибез,

Котлы булсын туган көнегез.

Куанычтан-куанычка атлап,

Шатлык чәчеп,бәхет игегез.

Таң нурлары булып йортыгызга

Ак бәхетләр генә сибелсен.

Түм-түгәрәк булсын тормышыгыз,

Юлларыгыз гөлгә күмелсен.

 Рәхмәт Сезгә барысы,барысы өчен

Яшәү көче , дәрте сүнмәсен.

Сәламәтлек Сезне ташламасын

Авырлыклар бер дә килмәсен!

Сегодня в школе прошел урок на тему "Экология и энергосбережение", также  была просмотрена   презентация  с последующим обсуждением, учащиеся начальных классов раскрасили рисунки по энергосбережению.

Бүген хөрмәтле өлкәннәребезгә мәдәният йортында укучыларыбыз көче белән әзерләнгән, күңелле җырлары, матур биюләре, ялкынлы шигырьләре, котлаулар белән концерт тәкъдим ителде, ә соңыннан бәйрәм чәй табыны артында дәвам итте.

Мәктәбебез коллективы "Лучшее дизайнерское оформление территории общеобразовательного учреждения" номинациясендә 2 урынга, "Самый продуктивный пришкольный участок" номинациясендә 3 урынга лаек булды һәм бүген укытучылар көне уңаеннан район мәдәният йортында үткәрелгән тантаналы бәйрәм чарасында бүләкләнде.  Барлык укучыларыбызга, укытучыларыбызга, хезмәткәрләргә бакчада куйган хезмәтләре өчен зур рәхмәт белдерәбез, алга таба да уңышлар теләп калабыз.

Бүген мәктәбебездә иртәдән үк бәйрәм рухы булды. Укучыларыбыз мәктәп ишегеннән кергәндә үк, укытучыларыбызны котлады, сюрпризлар әзерләде. Шулай ук балалар оешмасы һәм мәктәп думасы активистлары "Котлау почтасы" оештырды.

Укытучылар көне уңаеннан 5нче сыйныф укучылары барлык укытучыларыбызны бәйрәм белән котлап, үзләренең матур чыгышларын бүләк итте.

Укучыларыбыз үзләренә билгеләнгән ялгыз калган, ярдәмгә мохтаҗ әби-бабайларга барып, бәйрәм белән котлап, хуҗалык эшләрендә булыштылар.

"Көзге изгелек атнасы" кысаларында бүген сыйныфларда экологик дәресләр үткәрелде, мәктәп Думасы членнары табигатьне саклау кагыйдәләре язылган буклетлар әзерләп, укучыларга таратылды.

Мәктәбебездә "Китапка икенче тормыш бүләк ит!" акциясе дәвам итә. Бүгенге көндә  иң активлар - 1нче сыйныф укучылары. Сыйныф җитәкчеләре Рамазанова Э.Х. белән берлектә алар бу акциядә 100% катнаштылар. Нәни укучыларыбызга  алга таба да китапның якын дуслары булып калуын телибез.

Бүген мәктәбебездә "Көзге изгелек атнасы"на старт бирелде.