Балахөнәр проекты кысаларында бүген зурлар төркеме балалары "Юл иминлеге" станциясендә булып юл-патруль инспекторы эшчәнлеге белән таныштылар. Балалар  юл йөрү кагыйдәләрен искә төшереп, юл иминлеге сагында торучы инспекторлар хезмәтен тирәнтен кузалладылар.

"Баланы мәктәпкә әзерләү " темасы астында "Шатлык" балалар бакчасының мәктәпкә әзерлек төркемендә әти — әниләр җыелышы узды. Бик күп ата-анадан: баланы ничек итеп мәктәпкә әзерләргә, аның яхшы укуына, тәртипле булуына нинди юллар белән ирешергә, дигән сорау ишетергә туры килә. Һәм бу борчылу бик урынлы да.. Үзенең чыгышында Айсинә Ринатовна моңа дәлилләр китерде. Әти-әниләрне уку елына алынган максат, бурычлар белән таныштырды. Педагог-психолог Зөлфия Рөстәмовна балаларда булган курку хисен бетерү алымнары, укырга кызыксыну уяту юллары белән таныштырды. "Мәктәпкә баручы бала ниләр белергә тиеш?", - дип исемләнгән белешмәлекләр таратылды.

Елда матур бер көз көнендә Сабабызда күркәм бәйрәм - Кабак бәйрәме үткәрелә. Быел ул 19 тапкыр оештырылды. Безнең "Шатлык" балалар бакчасы коллективы да бу чарада теләп катнаша. Бакчаларда үстергән кабаклардан берсеннән-берсе матур эшләнмәләр, композицияләр, кабактан пепшерелгән тәмле ризыклар күргәзмәдә үз урыннарын алалар. Бәйрәмгә килгән кунаклар кабактан ясалган эшләнмәләрне кызыксынып карыйлар, пешкән ризыкларны теләп алалар. Безнең "Шатлык" балалар бакчасы коллективы бәйрәмдә "Кабактан эшләнгәнгән иң матур композиция", "Кабактан пешерелгән иң тәмле ризыклар" номинацияләрендә өченче дәрәҗәдәге Дипломнар белән бүләкләнделәр.

Бүген мәктәпкә әзерлек төркеме балалары Мәктәп һәм М.Җәлил урамнары кисешкән юл чатына экскурсия оештырдылар. Алар светофорның эшчәнлеген, машиналар, җәяүлеләр йөрешен күзәттеләр. Юлларда автомобильләрнең күп булуы, аларның тиз хәрәкәт итүенә игътибар иттеләр. Юлны махсус урыннардан, машиналар туктагач кына чыгарга кирәклеген төшенделәр.

Уважаемые родители!

С 1 июня 2022 года начинается комплектование МБДОУ Сабинский детский сад №1 «Шатлык» Сабинского муниципального района.

В период комплектования детского сада на 2022/2023 учебный год планируется набор детей в следующих возрастных группах:

Ясельная – с 1-го до 2-х лет: 25 мест,

I младшая – с 2-х до 3-х лет: 7 мест,

II младшая – с 3-х до 4-х лет: 4 места.

Дети направляются в детский сад через автоматизированную информационную систему «Электронный детский сад». Отследить статус заявления можно на портале государственных услуг Российской Федерации. Массовое комплектование детского сада планируется завершить 31 августа 2022 года. При наличии свободных мест будет проводиться доукомплектование учреждения.

Бүген бакчага килүче балаларны, әти-әниләрне, хезмәткәрләрне мультфильм, әкият геройлары Юлбарыс, Төлке, Песи каршы алдылар. Алар 1 сентябрь - Белем көне белән котладылар, яңа уку елында яңа уңышларга ирешергә дигән теләктә калдылар.

Һава салкыная бара,
Аяк басабыз көзгә.
Сары төстә яфраклар да
Чалына инде күзгә.
Хушлаштык ямьле җәй белән,
Үтте дә каникуллар.
Бүген бәйрәм – белем көне,
Мәктәпкә илтә юллар.

Уртанчылар, зурлар, мәктәпкә әзерлек төркеме балалары белән 1 сентябрь - Белем көненә карата бәйрәм үткәрелде. Бәйрәм җыр, бию, шигырьләр, уеннар белән үрелеп барды. Балалар төрле биремнәрне үтәп, уен эстафеаларда катнаштылар.

Балаларны кече яшьтән сәламәт яшәү рәвеше алып барырга күнектеү, спортны сөеп, даими шөгыльләнергә кирәклеген төшендерү, спорт корылмалары белән таныштыру максатыннан Саба-Аренага  экскурсия оештырылды. Монда өстәл теннисы, бадментон, фехтование, шахмат, шашка түгәрәкләре эшләп килү аңлатылды. Теләгән балалар әти-әниләре белән килеп, түгәкләргә язылып шөгыльләнә алулары әйтелде. Футбол, баскетбол майданчыкларын, күп төрле тренажерларны күзәтеп үттеләр. Үсеп килүче яшь буынга спорт белән шөгыльләнергә барлык уңайлыклар тудырылуы турында аңлатылды. Балалар үзләре дә уен-ярышларда теләп катнаштылар, өлгерлектә, җитезлектә көч сынаштылар.