Балалар математика шөгылен бик көтеп алалар.Монда алар юлларның озынлыгын һәм кыскалыгын,куян белән кишернең күпме булуын чагыштыралар,ел фасыллары турында һәм аларны ничә өлешкә бүлергә өйрәнәләр.

Сөйләм теле шөгылендә татар халкының гореф-гадәте,киемнәре турында сөйләштек.Татар халкына гына хас булган билгеләрне таптык."Милли киемнәр"-дидактик уенын уйнадык. "Гөлбану", "Түбәтәй"-татар халкының җырлы-биюле уеннарын башкардык.

Балалар рәсем шөгылендә городец бизәкләре белән таныштылар һәм китап кыстыргычын бизәделәр.

В рамках года родных языков и народного единства наши дети участвуют в флешмоде "Милли татар ашлары".Зиятдинова Руфия и Зиятдинова Аяна помогают матери приготовить татарские блюда.

Грамота эшчәнлегендә"м"авазы һәм"М" хәрефе белән таныштык.Балалар уеннар ярдәмендә "м" авазы кергән сүзләрне кабатладылар һәм ныгыттылар.Рәсемнәр төшерелгән карточкалардан "м"хәрефе кергән рәсемнәрне таптылар.Шөгыль бик эчтәлекле булды.

Бүген  балалар  китапханәгә  сәяхәткә  бардылар. Алар анда бик күп китаплар белән таныштылар. Китапларның  кайдан  килеп  чыкканнары турында  белделәр. Китапны  ничек  саклап  тору  кагыйдәләрен  өйрәнделәр. Шулай  ук, алар  татар  язучылары  турындагы  белемнәрен  дә  ныгыттылар. Сәяхәт  бик  күңелле  үтте.

Физкультура эшчәнлегендә, төрле күнегүләр ярдәмендә, балалар сәламәтлекләрен ныгыталар.Сәламәтлекне хәзердән үк кайгыртырга кирәк икәнен алар бик яхшы аңлыйлар һәм моның өчен барсын да үтәргә кирәклеген беләләр.

Математика шөгылендә, автобуска утырып, җир шары буенча сәяхәт иттек.Башта автобусның тәгәрмәчләрен куярга туры килде,чөнки аның тәгәрмәчләре юк иде.Геометрик фигуралар арасыннан түгәрәк формасын табып,аны әйләндереп караганнан соң,тәгәрмәчкә туры килүен белдек.Ниһаять,автобуска утырып,сәяхәтебезне дәвам иттек һәм Татарстан урманнарына барып җиттек.Анда куяннар һәм тиеннәрне очраттык.Тиеннәр һәм куяннар күбәйгәннән- күбәя бардылар.Соңыннан түгәрәкләр ярдәмендә, Африкада, салкын якларда яшәүче хайваннарны санадык һәм хайваннарга өйләр ясадык.Сәяхәт бик күңелле үтте.

Математика шөгылен балалар бик көтеп алалар. Анда алар саннар,геометрик фигуралар гына танырга өйрәнеп калмыйлар,ә кыргый һәм йорт хайваннарын аерырга,сакларга өйрәнәләр. Менә бу шөгыльдә дә алар кыргый хайваннарга кәгазь битенә,түгәрәкләр ярдәмендә “зоопарк” төзеделәр.

Балалар белән атна темасы: "Россия – зур дәүләт. Халыклар бердәмлеге. Туган Татарстаным. Сабам минем – туган ягым."буенча сөйләм теле шөгыле үтте. Бу шөгыль- аларны туган илне яратырга, туган илгә тугрылык сыйфатлары тәрбияләргә өйрәтте. Балалар, Россия башкаласы- Мәскәү һәм аның символикасы турындагы белемнәрен системалаштырдылар. Татарстан, аның башкаласы-Казан турында белемнәрен ныгыттылар. Татарстан Республикасының төп символикалары- флаг, герб, гимн белән таныштылар. Шөгыль бик кызыклы үтте.