Кисеп ябыштыру эшчәнлегендә үзебез яраткан спорт уеннарын кисеп ябыштырдык.

Режим моментларында балалар белән сюжетлы рольле уеннар уйнарга яратабыз.

Физкультура эшчәнлегендә  төрле күнегүләр аша сәламәтләгебезне ныгытабыз. 

Бүген балалар белән "Искечә Яңа ел"ны төрле уеннар уйнап искә төшердек. 

"Милэшкэй" балалар  бакчасы  балалары  Олы-Нырты  мәдәният  йортында "Кыш  бабайның  туган  көне" дип  исемләнгән  күңелле  кичә  үткәрделәр. Кыш  бабайның  туган  көненә  шигырьләр, биюләр, җырлар  бүләк  иттеләр. Кичәнең  кунаклары  Убырлы  һәм  Буранбикә  дә  кунакта  булды. Яңа  ел  күңелле  узды.

Әти-әниләрне  һәм  балаларны сөендереп, бакчабызда  фотозона  ясадык. 2021  нче  елның  истәлеге  булып, фоторәсемнәр  еллар  дәвамында  сакланачак.

Бүген  безгә  зарыгып  көтеп  алган  Кыш  бабай  килде. Балалар  Кыш  бабайга  бик  шатландылар  һәм  аңа  үзләренең  шигырьләрен, җырларын  башкардылар. Кыш  бабай  аларга  күчтәнәчләр  өләште. Балалар  аңа  бик  рәхмәтле  булдылар.

Әти-әниләр  һәм  балалар  тырышлыгы  белән  "Яңа  ел  могҗизалары" исеме  астында  кул  эшләре  башкарылды. Монда  Кыш  бабайны  юл  куркынычсызлыгын  саклаучы  ролендә  ясаганнар  иде. Кул  эшләрен  әти- әниләр  һәм  балалар  тырышып  башкарганнар. Аларга  бик  зур  рәхмәт.

Физкультура  эшчәнлегендә  кояш  нурлары  аша  ике  аякта  сикерергә  өйрәндек.

Математика  шөгылендә  балалар  белән  поезда  сәяхәт  иттек. Төрле-төрле  тукталышларга  тукталдык  һәм  бер  тукталышта  поезд  ватылды. Аны  геометрик  фигуралар  ярдәмендә  төзәттек  һәм  таякчыклар  ярдәмендә  поездга  рельсләр  ясадык. Шөгыль  бик  күңелле  үтте.