Көзнең үз яме, үз матурлыгы. Муллыгы, байлыгы белән кадерле бу ел фасылы. Яз-җәй буе тир түгеп тапкан хезмәтнең нәтиҗәсе көзләрдә чагыла. 6-8 класс укучылары өчен узган Уңыш бәйрәмендә көз, уңыш турында матур чыгышлар төрле күңелле уеннар белән чиратлашты.

5 класста "Әби-бабайлар- безнең кадерлеләребез " дип исемләнгән очрашу-кичә узды. Өлкәннәр оныкларына үз яшьлекләре, яшүсмер чаклары турында сөйләсә, балалар аларга матур чыгышлар бүләк иттеләр. Гореф-гадәтләрне саклау, буыннар чылбырын дәвам итү максатыннан оештырылган чара әби-бабайлар өчен дә, укучылар өчен дә файдалы, күңелле булды.

Сәламәт яшәү рәвеше тәрбияләү, спорт белән шөгыльләнүчеләр санын арттыру максатында узучы "Гаилә  белән ГТО" ярышларының зона этабында безнең мәктәптән Хабибуллиннар гаиләсе катнашып, 3 урынга лаек булды.

Район күләмендә узучы "Иҗади гаилә" бәйгесендә мәктәбебездән Шәриповлар гаиләсе катнашты. Әти-әни һәм 3 кыз янына бабайның тальян моңнары да кушылгач, чыгыш бик матур килеп чыкты. Балаларында өлкәннәргә хөрмәт, гореф-гадәтләргә мәхәббәт тәрбияләүче бу гаилә "Су юлы" дип исемләнгән татар халык җырын башкарды.

Ата-аналр комитетлары арасында узучы "Тату сыйныф серләре" бәйгесендә мәктәп ата-аналар комитеты чыгыш ясап, "Киләчәккә адымнар" проектын тәкъдим итте.

   19 нчы октябрь көнне 13.00 сәгатьтә мәктәбебездә дөньякүләм белем бирү “Татарча диктант” акциясе уздырыла. Татарча диктант — татар телендә хатасыз язарга өйрәтү, әдәби татар телен кулланучыларның даирәсен арттыру, орфографик һәм грамматик хаталарны тикшерү максатыннан үткәрелә. Әлеге чарада актив катнашырга чакырабыз!

Сегодня ОПОП Исполнительного комитета Сабинского района РТ Исхакова А.Р. с обучающимися 1-4 классов  провела беседу на тему "Использование светоотражающих элементов"  и раздала буклеты о правилах дорожного движения.

Сегодня пожарный ГАУ "Пожарная охрана РТ" Башаров А.Г. провел беседу с обучающимися 9-11 классов на тему "Пожарная безопасность". Рассказал о профессси пожарного.

Туган ил тарихына кызыксыну уяту -мәктәпнең төп бурычларыннан берсе. 16 декабрь көнне 7-11 класс укучылары Казан шәһәрендә "Россия-минем тарих" тарихи паркында булдылар. Укучыларга Россиянең 20нче гасыр  тарихы турында бик бай мәгълүмат бирелде.

  Ак кәгазьдәй сабый күңеленә 

Язмышларны башлап яздыгыз, 
Өмет тулы күпме күзләргә сез 
Яшәү чактылары салдыгыз. 
Кайгыртып гел кеше кайгыларын 
Безнең янәшәдә эшлисез. 
Ходай сезгә озын гомер бирсен,
Рәхмәт сезгә, чып-чын кеше сез! 

Хөрмәтле укытучылар, Сезне һөнәри бәйрәмегез белән тәбрик итәбез!!!