Әлифба китабын укып бетерү-1 класс укучылары өчен зур җиңү. Укырга, язарга  өйрәнгән укучыларыбыз 4 ай мәктәп укучысы булу дәверендә бик күп һөнәрләр үзләштергәннәр. 29 январь  көнне узган Әлифба бәйрәмендә 1 класс укучылары үзләренең сәләт-мөмкинлекләрен күрсәттеләр. Класс җитәкчесе Шайхеразиева Ф.В. һәм әти-әниләр өчен дә бу көн зур бәйрәмгә әйләнде.

Өстәмә белем бирү берләшмәләре эшчәнлеген нәтиҗәлерәк итү өчен ел саен мәктәбегезгә иганәчеләр ярдәме күрсәтелә. Бу уку елында Фархуллин И.Т.,  Шавалиев И.Ш. ярдәме белән "Оста куллар", "Туган якны өйрәнү"  түгәрәкләрендә куллану өчен әсбаплар, актлар залы өчен акустик  система алынды. Хыялларыбызны тормышка ашырырга булышкан иганәчеләргә зур рәхмәт!

10 класс укучысы Гафиятова Илзия "Иң шәп әйдаман" бәйгесенең район этабында чыгыш ясап, "Иң энергияле әйдаман" исеменә лаек булды.

ТАССРга 100 ел уңаеннан китапханәдә күргәзмә оештырылды. Әлеге күргәзмәдә Татарстан тарихы турында китаплар, укучыларның эшләре урын алды.

Табигатьне саклау акцияләре мәктәптә еш уза. Кошлар өчен мәктәп тирәсенә бик күп җимлекләр куелды. Балалар көн саен җим сибеп, кошларны сыйлыйлар. Аларны күзәтү һәркем өчен дә күңелле.

9 класс укучысы Гатиатуллин Ильяс Эзмә авыл җирлегендә узган чаңгы ярышында 9-11 класс укучылары арасында 3 урын алды. Бу-  сезондагы 1нче уңышыбыз, калган ярышларда тагын да яхшырак  нәтиҗәләргә ирешүен телибез.

Кышкы лагерьның 3нчн көне дә күңелле мизгелләргә бай булды. "Хайваннар дөньясы"  темасына интеллектуаль бәйгесендә көч сынашканнан соң,  "Инлиз теле иле"нә сәяхәт ясадылар.  Кышкы уеннар да бик күңелле булды.

27 декабрьдә мәктәбебездә 6-11 класс укучылары өчен "Чыршы утлары яктысында" бәйрәме узды. Зал уртасында Яңа ел күрке булган чыршы бизәлгән, сихри яктылык сирпелеп тора. Укучылар Кыш бабай һәм Кар кызына, тамашачыларга зур бәйрәм бүләге ясадылар. Вальс  белән башланып киткән бәйрәмебез күп төрле милләт биюләре, клоуннар чыгышлары, матур җырлар белән дәвам итте. 

Бөтенроссия һәм республика олимпиадаларының муниципаль этабында укучыларыбыз 24 призлы урын алды. Яңа ел бәйрәме  вакытында  олимпиада призерларының  әти-әниләренә, укытучыларына Рәхмәт хатлары, укучыларга Грамоталар тапшырылды.

"Дуслык" лагеренда 2нче көн кышкы маҗаралар дип исемләнде. Туган якны өйрәнү музеенда "Туган ягым буйлап" дигән сәяхәттән соң балалар "Кышкы бизәкләр" мастер-классында катнаштылар. Саф һавада уйнарга да, җимлекләргә җим салып, кошларны сыйларга да өлгерделәр.