Ак кәгазьдәй сабый күңеленә 

Язмышларны башлап яздыгыз, 
Өмет тулы күпме күзләргә сез 
Яшәү чактылары салдыгыз. 
Кайгыртып гел кеше кайгыларын 
Безнең янәшәдә эшлисез. 
Ходай сезгә озын гомер бирсен,
Рәхмәт сезгә, чып-чын кеше сез! 

Хөрмәтле укытучылар, Сезне һөнәри бәйрәмегез белән тәбрик итәбез!!!

1 октябрьдә мәктәбебездә Өлкәннәр көне уңаеннан "Бер очрашу-бер гомер" дип исемләнгән кичә узды. Укытучылар һәм укучылар тарафыннан кунакларга бик матур чыгышлар бүләк ителде. 

Сезгә булган хөрмәтебез,

Урын алсын йөрәк түрендә.

Шатлык һәм куанычлар, зур бәхетләр

Юлдаш булсын Сезгә гомергә!!!

Бүген мәктәп коллективы ярминкәдә катнашып, мәктәп яны тәҗрибә участогында җитештерелгән уңыш белән сату итте.

Мәктәп һәм ата-аналар комитетлары  хезмәттәшлегенең иң яхшы ысулларын ачыклау, популярлаштыру максатын күздә тоткан "Тату сыйныф серләре"  бәйгесе Саба районында ТАССРның 100 еллыгына багышланган ата-аналар форумы кысаларында уза. Бүген мәктәбебездә әлеге бәйгенең мәктәп туры узды. Бәйге ике турдан торды. Беренче турда 10 ата-аналар комитеты "Безнең күңелле тату сыйныф" визит карточкасын тәкъдим итте,  "Иҗади гаилә" дип исемләнгән 2 нче турда гаиләләр иҗади сәләтләрен: җыр-биюгә осталыкларын күрсәттеләр. Ата-аналар комитетларына  төрле номинацияләрдә җиңү яулаган өчен Грамоталар тапшырылды.

Сугыш һәм тыл ветераннарына хөрмәт тәрбияләү максатыннан узган "Тынычлык күгәрчене" акциясендә безнең коллектив бик теләп катнашты.

Массакүләм спортны пропагандалау  максатында узучы "Милләтләр йөгереше" ярышлары елдан ел күбрәк кешене җәлеп итә. Бүген барлык укучылар әлеге ярышта катнашып, үзләренең  сәламәт яшәү рәвеше яклы икәнлекләрен тагын бер кат расладылар.

Барлык коллектив бердәм рәвештә "Милләтләр йөгереше"нең старт сызыгына басты.

Бүген мәктәбебездә "Җиңү урманы" акциясе кысаларында  агач утырту оештырылды. Барлык укучылар катнашында мәктәп стадионы тирәсенә 40 төп җиләк-җимеш ага\чы утыртылды.

14 сентябрьдә җиңел атлетика буенча ярышлар узды. Барлык укучылар төрле дистанцияләрдә көч сынаштылар. Призлы урыннар алучыларга Грамоталар тапшырылды. 1 урын алган укучылар район күләмендә узачак ярышларга әзерлекне дәвам итәләр.

Сегодня в целях борьбы с алкокольнюй зависимостью и популяризации систематических занятий  физической культуры  проведены мероприятия, посвященные Всероссийскому дню трезвости.