17 сентябрь көнне  "Яшьлек" спорт үзәгендә үткәрелгән башлангыч класс укучылары арасында шахмат беренчелегендә 4 класс укучысы Шакирова Гөлназ 3нче урын яулады. Гөлназны әлеге уңышы белән котлыйбыз, алга таба да җиңүләргә ирешүен теләп калабыз.

Сентябрь-хезмэт айлыгы. Шул унайдан буген "Дуслык" оешмасында "Хезмэте барнын,хормэте бар" темасына оешма жыены узды.

Бүген мәктәбебездә 15 сентябрь-Варислар туган көнгә багышлап "Туган көнегез белән, варислар!" исемле кичә оештырылды. Бәйрәм барышында варислар законнарын искә төшерделәр, башлангыч класс укучыларына варисларның нинди сыйфатларга ия булырга тиешләре турында сөйләделәр.Кичәне педагог-оештыручы Гыйлаҗиева З.Ш. әзерләде.

Мәктәп тирәсен җәй буе чәчәкләр бизәсен дисәң, бүген үк хәстәрен күрергә кирәк. Бу көннәрдә һәр класс үзләре үстергән чәчәкләрнең орлыгын җыю белән мәшгуль.

Бүген җиңел атлетика буенча иң көчлеләрне ачыклау, район күләмендә уздырылачак көзге кросска әзерләнү максатыннан мәктәбебездә көзге кросс үткәрелде.

Хореография түгәрәгенә йөрүче укучылар яраткан түгәрәкләрендә шөгыльләнүне  дәвам итәләр. Бүгенге көндә алар Өлкәннәр көненә әзерләнү максатыннан рус халык биюе өйрәнә башладылар.

Мәктәбебездә бүген куркынычсызлык айлыгы кысаларында класс сәгатьләре үткәрелде. Башлангыч классларда "Куркынычсызлык кагыйдәләрен төгәл үтә!", 5 ,6,7 классларда " Юлда булсаң бул өлгер, юл кагыйдәләрен яхшы бел" темаларына узган әңгәмәләрдә укучыларга куркынычсызлык техникасы кагыйдәләре тагын бер кат искәртелде.

Өстәмә белем бирү- конкурентлыкка сәләтле шәхес тәрбияләүнең аерылгысыз бер өлеше. Бүген укучыларыбыз өстәмә белем бирү педагогы Шафикова Г.Р. җитәкләячәк "Күңелле сәхнә", "Хореография" түгәрәкләренә языла башладылар. 4 түгәрәктә шөгыльләнүчеләр үзләренең иҗади сәләтләрен камилләштерә алачаклар, түгәрәкләргә йөрү буш вакытыңны файдалы  һәм кызыклы уздыру дигән сүз дә әле ул.

   1 сентябрь көнне мәктәбебез бусагасын 104 укучы атлап керде. Шуларның 10сы- 1нче сыйныф укучылары, 11 укучы мәктәптә соңгы елларын белем ала. Белем бәйрәмендә катнашкан хөрмэтле кунакларыбыз-район хакимияте аппараты житәкчесе Расих Хасанович, район мәгариф бүлеге инспекторы Нәзирә Тимершәеховна, авыл җирлеге башлыгы Фәкыя Хасановна, авылыбызның имам-хатибы  Рәис абый укучыларга иң изге теләкләрен җиткерделәр

Бүген 5-11 класс укучылары, укытучылар, техник хезмәткәрләр бергәләшеп мәктәп басуыннан бәрәңгебезне җыеп алдык. Җәйге тырышлыгыбызның нәтиҗәсе буларак уңыш бик яхшы булды.