Беренче бөтендөнья сугышы башлануга 100- ел булу уңаеннан, бүген  мәктәп күләмендә тәрбия сәгатьләре үткәрелде.

   Бүген мәктәбебездә “Белем бәйрәме” үткәрелде .Бәйрәмгә  районыбызның хөрмәтле җитәкчесе Вәлиев Илһам Госман улы, Татарстан Республикасы федераль казначылык идарәсе җитәкчесе Нуриахметов Рөстәм Хөсәен улы,  район мәгариф җитәкәкчесе Садиков Илсур Мансур улы,  ООО “Строитель 5” җаваплылыгы чикләнгән җәмгыятьнең җитәкчесе Загидуллин Фәрхулла Әгъзам улы, “Кулон-Агро” оешмасы вәкиле Гыйлманов Юныс Мөбәрәкҗан улы, Биектау авылы җирлеге башлыгы Мөхәммәтҗанов Рифкат Миннәхмәт улы һәм өлкән ветеран укытучыларыбыз  чакырылган иде. Алар нәни дусларыбызга һәм мәктәбебезгә үзләре алып килгән бүләкләрен тапшырдылар, укучыларны һәм мәктәп коллективын яңа уку елы башлану уңаеннан кайнар котладылар. Мәктәбебезнең  бу уку елында куанычы бар -   биредә 12 бала 1нче сыйныфка укырга керде.  Без аларга исәнлек-саулык һәм  уңышлар телибез.

Район буенча үткәрелгән Ярминкәдә 1 урын алдык. 

Мәктәп бакчасында эшләр гөрли.

Мәктәбебездә ремонт эшләре гөрли.

    Барыгызны да изге Ураза Гаете бәйрәме белән котлыйбыз.Рамазан бәйрәме мөбәрәк булсын!!! Тоткан уразаларыбыз, теләгән теләкләребез, догаларыбыз кабул булсын!

    Бүген хәрби моряк исемен горур йөрткән, үзенең озак еллар гомерен флотка биргән, флотта эшләгән, хәрби-диңгез Флотын яраткан, аның традицияләрен хөрмәт иткән кешеләрнең төп бәйрәме. Бу – чын ир-атлар, Ватанның чын патриотлары, диңгез хезмәте романтиклары бәйрәме. Биектау урта мәктәбе укытучылар коллективы , чиксез диңгез киңлекләрендә яки океан тирәнлегендә хезмәт иткән, Ватаныбызның тынычлыгын саклап хәрби бурычын үтәгән мәктәбебезнең физик тәрбия укытучысы Әхмәтҗанов Равил Габдуллаҗан улын  Хәрби-Диңгез Флоты көне белән тәбриклибез. Аңа ныклы сәламәтлек, озын гомер, рухи байлык телибез! Күк йөзе аяз, өегездә бәхет булсын һәм киләчәккә өметегез сүнмәсен иде.

   2014 елның 15-20 июль көннәрендә Татарстанның Алексеевск районы Биләр шәһәрчегендә Яшьләрнең III Халыкара белем бирү «Сәләт» форумы узды.

  Форум интеллектуаль, иҗади һәм рухи потенциалны күрсәтү мөмкинчелеген бирде. Форум толерантлык, мәдәниятләр арасындагы мөнәсәбәт, хакимият һәм яшьләр диалогы, буыннар диалогы өчен ачык мәйдан.

   Икенче ел рәттән Форум палаткалы лагерь территориясендә 5000 кешене җыйды. Форум неформаль белем алу, ресурслы аралашу, халыкара диалог мәйданы булды. Чарада 12дән 17 яшькә кадәр интеллектуаль олимпиадаларда, иҗат бәйгеләрендә һәм спорт ярышларында җиңүчеләр, шулай ук республика һәм бөтенроссия балалар һәм яшьләр иҗтимагый оешмаларының лидерлары катнашты.

    Катнашучыларга кызыклы программа әзерләнгән: мастер-класслар, тренинглар, кинолаборатория, «Уңыш тарихы» проекты кысаларында танылган фән, мәдәният, спорт, җәмәгать эшлеклеләре белән очрашулар үткәрелде.

    Традицион рәвештә Форумның хөрмәтле кунагы Татарстан Республикасы Президенты Рөстәм Нургали улы Миңнеханов килде. Аның булышлыгы белән 2012 елда Форум халыкара белем бирү форумы статусына ия булды.

    Форум программасында белем бирүче сессияләр белән беррәттән интеллектуаль, спорт һәм иҗади чаралар да үткәрелде: интеллектуаль-спорт марафоны, хөрмәтле кунак Максим Поташев («Нәрсә? Кайда? Кайчан?» уенының магистры) катнашындагы «Нәрсә? Кайда? Кайчан?» уены буенча чемпионат, «Сәләт»нең 20 еллыгына багышланган иҗади концерт, Арбузов музеена һәм тарихи археологик музейга экскурсияләр оештырылды.

    Бу елны Форумның үзенчәлекләре «Сәләт» оешмасының 20 еллыгын билгеләү белән бәйле. Форум кысаларында кызыклы  проектлар әзерләнелде. «Җисем» кинофестивале кысаларында катнашучылар 7 көн дәвамында автор фильмнары төшерелде. Шулай ук, Форумда ООН халыкара яшьләр моделе узды, анда дөньяның 30 иленнән 100дән артык кеше катнашты.

    Бу форумда районнан 36 актив укучы катнашты. Шулар арасыннан җиде укучы безнең Биектау урта мәктәбе укучылары. Алар бу форумда катнашканнан соң безгә, анда күргән хис кичерешләрен әйтеп һәм мактап бетерә алмадылар. Укучыларның барысына форум бик охшаган. Алга таба да мондый форумнарда актив катнашачакларын җиткерделәр. Без Биектау урта мәктәбе исеменнән форумны оештыручыларга, безнең укучыларыбызны алып барып һәм алып кайткан җитәкчеләргә, хезмәткәрләргә зур рәхмәтебезне белдерәбез

    Иң матур җир кайда дисез,

 Билгеле Кырлай җире,

 Барча әкият геройлары

 Кырлайда туган инде.

 Су анасы, шүрәлеләр

 Ел да җыела бире.

      Бүген безне чираттагы сәяхәт көтә иде. Габдулла Тукайны искә алу максаты белән Яңа Кырлай авылына юл тоттык. Без яңадан Габдулла Тукай турында булган белемнәребезне ныгыттык, кинофильм карадык, истәлек өчен фотоларга төштек, күл буйлап көймәләрдә сәяхәт кылдык һәм кечкенә Апушның тормышына өлеш керткән Сәгъди абыйның йортында да булырга өлгердек.