Бүген 9Б сыйныфы укучылары сыйныф җитәкчеләре Индира Рифкатовна белән берлектә "Белем алу. Карьера" выставкасында булып кайттылар. Укучылар төрле кызыклы һәм мавыктыргыч мастер- класслар карадылар, экспозицияләр белән таныштылар.

8А сыйныфы укучылары сыйныф җитәкчесе Лиана Александровна белән кинотеатрда булып кайттылар. Төп максат: укучылар арасында үзара мөнәсәбәтләрдә дуслыкның иң мөһим сыйфатларның берсе булуына ышаныч тәрбияләү.

Гимназиябездә шагыйрь, публицист, тәрҗемәче Рәсүл Гамзат улы Гамзатовның тууына 100 ел тулу уңаеннан 8Б сыйныфы укучылары белән Әдәби кичә ("Литературный дворик") уздырылды. Кичә барышында шагыйрьнең иҗаты турында сөйләнелде, иң күренекле шигырьләре укылды. Чараны оештырган өчен рус теле укытучысы Светлана Фёдоровнага һәм китапханәче Зөлфия Рафаильевнага зур рәхмәт!

Видеога сылтама: https://vk.com/id715397316?z=video715397316_456239319%2F0735903a7455ce4aa4

Гимназиябезнең активистлары озайтылган көн төркемнәренә йөрүче укучылар белән открытка ясау буенча мастер - класс оештырдылар. Укучылар яңа төрле ысуллар кулланып, әти- әниләренә открыткалар ясадылар

Бүген гимназиябез укучылары Мәхмүтова Камилә белән Хәсәнова Ләйсән Казан кооператив институтының Дәрдемәнд исемендәге Татар мәдәнияте үзәгендә үткәрелгән “Татар сәүдәгәрләре һәм меценатларының үткәне һәм бүгенгесе” дип исемләнгән IV республика конкурсында катнаштылар. Әлеге чарада Камилә белән Ләйсән икенче дәрәҗәдәге дипломнарга лаек булдылар. Җитәкчеләре Мансурова Гөлчәчәк Әсхатовнаны һәм укучыларыбызны чын күңелдән җиңүләре белән котлыйбыз, алга таба да уңышлар теләп калабыз!!!

Бүген "Россия- минем горизонтларым" курсы кысаларында Казан кооператив институтыннан килгән белгеч 8-11 сыйныф укучыларына чыгышын тәкъдим итте. Укучылар уку йорты, факультетлар, студент тормышы белән якыннанрак таныштылар.

Гимназиябездә укучылар белән терроризм һәм экстремизмны кисәтү буенча һәрдаим профилактик эш алып барыла. Бүген, куркынычсызлык чараларын искә төшерү максатыннан, 4 нче һәм 5 нче сыйныфларда әңгәмәләр үткәрелде. Казан шәһәренең антитеррор комиссиясе вәкилләре Новлянский Павел Валерьевич һәм Шигапов Зөлфәт Зөфәрович укучыларга террорчылык вакытында үз-үзеңне тоту кагыйдәләре, шикле әйберләр тапкан очракта нәрсә эшләргә кирәклеге турында сөйләп киттеләр.

12 нче октябрь көнне гимназиябездә "Беренчеләр Советы" рәисе вазифасына кандидатлар дебаты узды. Һәр кандидат үз программасын тәкъдим итте, идеяләре белән бүлеште һәм сорауларга җавап бирде. Без үз чиратыбызда барлык кандидатларга да сайлауларда уңышлар телибез! Лаеклы кандидатны бергәләп сайлыйк

Видеога сылтама: https://vk.com/id715397316?z=video715397316_456239316%2F56ab2e63679d5d0efb

Татарстанның халык шагыйре Роберт Миңнуллинның тууына 75 ел тулу уңаеннан гимназиябездә 2А һәм 3А сыйныфы укучылары белән шигърият кичәсе уздырылды. Укучылар шагыйрьнең тормышы, иҗаты һәм шигырьләре белән таныштылар. Кичә барышында балалар табышмакларга җаваплар эзләделәр, "Дөньядагы иң зур алма", "Тәлинкәне кем ватты?" шигырьләрен укыдылар. Чыннан да, шагыйрьнең әсәрләре яхшылыкка өнди, матурлык, ихласлык, гаделлек хисләре, әти-әниләргә, туган якка, ватанга мәхәббәт тәрбияли. Шигърият кичәсен оештырган өчен китапханәче Зөлфия Рафаильевнага рәхмәтләребезне җиткерәбез!

Безнең гимназиядә 14нче октябрь көнне 9.50 "Татарча диктант" белем тикшерү акциясе узачак. Акциядә катнашырга теләгән кешеләрне А3-04 кабинетында көтеп калабыз.
Акциянең максаты-татар теленә кызыксынуны арттыру, әдәби телдә дөрес сөйләм һәм дөрес язу күнекмәләрен үстерү, орфографик һәм грамматик хаталар ясамыйча язу теләге уяту.