Гимназиябезнең яшь инспекторлар хәрәкәте командасы "Куркынычсыз тәгәрмәч- 2024" (Безопасное колесо- 2024) бәйгесендә катнашып кайттылар. Укучылар үз көчләрен төрле этапларда сынадылар:
- теоретик сорауларга җаваплар бирделәр;
- тиз һәм дөрес итеп беренче ярдәм күрсәттеләр;
- төрле каршылыклар аша үтеп велосипедта йөрделәр;
- реаль юл шартларына якын булган ситуацияләрдә ориентлаша белүләрен күрсәттеләр;
- иҗади чыгышларын тәкъдим иттеләр.
Укучыларга һәм җитәкчеләре Рәмзия Рәлифовнага гимназия данын яклап чыгыш ясаганнары өчен рәхмәт белдерәбез!

Казан шәһәренең Вахитов һәм Идел буе районнары мәктәпләре арасында уздырылган бадминтон ярышында гимназиябезнең егетләр командасы 2 нче урынга лаек булды. Укучыларны чын күңелдән җиңүләре белән котлыйбыз!!!

Чигү- иң киң таралган кул эшләренең берсе булып тора. Гимназиядә Диләфрүс Нурмахаматовна җитәкчелегендә "Милли галәм" түгәрәгенә йөрүче 1 нче сыйныф укучыларының чигешләреннән күргәзмә оештырылды. Чигү дәресләренең төп максатлары:
- халкыбызның рухи мирасын өйрәнү;
- милләтебезнең асыл бизәкләренә, милли киемнәренә мәхәббәт тәрбияләү;
- укучыларда пөхтәлек, осталык күнекмәләре булдыру.
Чыннан да, укучыларның әлеге кул эшләре соклану уята!

Гимназиядә дүшәмбе иртәсе традицион рәвештә РФ һәм ТР Дәүләт флагларын күтәрү һәм гимннарны башкарудан башланды. Аннан соң "Мөһим сөйләшүләр" сыйныфларда дәвам итте. Дәреснең темасы Кырымның һәм Севастопольнең Россиягә яңадан кушылуына 10 ел тулуга багышланды һәм «Кырым һәм Севастополь: 10 ел туган диңгез култыгында » дип аталды. Нәкъ 10 ел элек Кремльдә Кырым һәм Севастопольне Рәсәй Федерациясе белән берләштерү турында Указга кул куелды. Әлеге вакыйга тарихка «Кырым язы» исеме белән кереп калды.
"Мөһим сөйләшүләр" барышында укучылар видеоөзекләр карадылар, интерактив биремнәр эшләделәр, фикер алыштылар. Чыннан да, бу көн милли бердәмлек символы булып тора!

Татар- информ: https://tatar-inform.tatar/news/18nce-gimnaziyada-mohim-soilasular-kyrymnyn-rossiyaga-yanadan-kusyluyna-bagyslandy-5884906

Видеога сылтама: https://vk.com/club216931602?z=video-216931602_456239243%2Faecbc742bfe3e1ff30%2Fpl_wall_-216931602,

https://vk.com/club216931602?z=video-216931602_456239242%2F4a96d96be8fb58ef8d%2Fpl_wall_-216931602

Бүген "Россия- минем горизонтларым" сыйныфтан тыш һөнәри юнәлеш бирү курсы кысаларында "Россия үсештә: булган, булды, булачак" дәресе уздырылды. Укучылар илебезнең һәр төбәгенең казанышлары турында белделәр, белемнәрен ныгыта һәм тикшерә алдылар.

Бүген гимназиябез укучылары "Илебездә, телебездә, күңелләрдә Тукай мәңгелек" шәһәркүләм шигырь сөйләүчеләр бәйгесенең район этабында уңышлы чыгыш ясап кайттылар. Афәрин, укучылар! Нәтиҗәләрне көтеп калабыз! Әлеге бәйге укучыларда туган телгә, милли мәдәнияткә, гореф- гадәтләргә  карата  хөрмәт һәм мәхәббәт тәрбияләү максатыннан үткәрелә.

4 нче март көнне тормыш иминлеге нигезләре укытучысы Индира Рифкатовна "Ел укытучысы- 2024" һөнәри осталык бәйгесенең республика этабында көч сынашты. Гимназиябезнең һәм районыбызның данын яклап, жюри әгъзаларына югары дәрәҗәдә әзерләнгән дәрес һәм сыйныф сәгате күрсәтте. Нәтиҗәләрне көтәбез!
Индира Рифкатовна, без сезнең белән сокланабыз һәм горурланабыз, киләчәктә уңышлар теләп калабыз!!!

Уважаемый абитуриент! Выбирая вуз Министерства обороны Российской Федерации для получения высшего образования, Вы выбираете широкие возможности для самореализации, достойный уровень жизни, высокий социальный статус. Вы выбираете профессию офицера, а офицерский корпус - главный стержень Вооруженных Сил России. Нравственные качества, умственные и физические способности, которые Вы приобретете во время учебы, позволят Вам стать ценным специалистом в своем деле и занять достойное место в обществе. В этом Вам помогут лучшие педагоги, командиры, специалисты, которые собраны в вузах Минобороны России. Особое место в образовательных программах российских военных вузов занимает развитие характера и привитие лидерских качеств будущим офицерам. Осваивая «науку побеждать», Вы получите не только профессиональные навыки, но и значительно расширите свой кругозор, научитесь работать с людьми, находить правильные ответы на непростые вопросы, которые задает нам сама жизнь. Военное образование - правильный выбор патриота России!

Гимназиядә дүшәмбе иртәсе традицион рәвештә РФ һәм ТР Дәүләт флагларын күтәрү һәм гимннарны башкарудан башланды. Тантанадан соң барлык сыйныфларда да "Мөһим сөйләшүләр" дәвам итте. Дәрес темасы "Көньяк диңгезләрдән поляр чиккә кадәр" дип аталды. Укучылар белән Татарстан Республикасы һәм аның илебездә тоткан урыны турында сөйләшү алып барылды.

Бүген тәрбия эшләре буенча директор киңәшчесе Гөлчәчәк Әсхатовна 6 нчы сыйныф укучылары белән "Русиядән Россиягә кадәр" дигән темага викторина үткәрде. Укучылар видеоөзекләр карадылар, сорауларга җаваплар эзләделәр. Дәреснең максатлары:
- туган ил тарихына кызыксыну уяту;
- патриотлык хисе тәрбияләү.