Халыкара кошлар көне- ел саен үткәрелә торган экологик бәйрәм. Безнең илдә 1927 нче елның 1 нче апреленнән башлап әлеге көнне үткәрү традициягә кергән.
Шул уңайдан гимназиябез укучылары белән "Кошлар иленә сәяхәт" дип аталган чара үткәрелде. Укучылар канатлы дусларыбыз турында файдалы мәгълүматлар тупладылар, "Кукушка и скворец" мультфильмын карадылар.

Гимназиябезнең 2А сыйныфы укучылары "Илебездә, телебездә, күңелләрдә Тукай мәңгелек" шәһәркүләм шигырь сөйләүчеләр бәйгесенең шәһәр этабында уңышлы чыгыш ясап кайттылар. Балалар Габдулла Тукайның “Бала белән күбәләк” шигырен сәхнәләштерделәр. Афәрин, укучылар! Нәтиҗәләрне көтеп калабыз!

Балалар китабы киләчәк буынны тәрбияләүдә, тормышта дөрес юнәлеш сайлауда зур ярдәм булып тора. Халыкара балалар китабы көне уңаеннан 3Б һәм 3В сыйныфы укучылары белән язучы Ганс Христиан Андерсен әсәрләре буенча әдәби уен үткәрелде. Укучылар язучының тормышы һәм иҗаты белән таныштылар, әкиятләр викторинасында катнаштылар, "Снежная королева" китабы буенча кроссворд чиштеләр.

Халыкара балалар китабы көне- китапка гашыйк барлык кызыксынучан балалар өчен искиткеч бәйрәм, күңелле маҗаралар, яңа әдәби ачышлар бәйрәме. Бу бәйрәмнең төп максаты- укуны популярлаштыру. 2В сыйныфы укучылары китапханәче Зөлфия Рафаильевна белән берлектә "Халыкара балалар китабы" көненең килеп чыгу тарихы белән таныштылар, үзләрен кызыксындырган сорауларга җаваплар таптылар.

Китап- белем чишмәсе! Гимназиядә "Балалар һәм яшүсмерләр китабы атналыгы" башланып китте. Атна дәвамында укучылар китапханәче Зөлфия Рафаильевна белән берлектә китаплар иленә сәяхәт кылачаклар, мавыктыргыч әдәби әсәрләр һәм яңа геройлар белән танышачаклар.

Гимназиябездә IV чирек традицион рәвештә Россия Федерациясе һәм Татарстан Республикасы Дәүләт флагын күтәрүдән башланып китте. Гимн җырлаганнан соң "Мөһим сөйләшүләр" дәресләр циклы дәвам итте. Укучылар белән "Россия- сәламәт ил" дигән темага сөйләшү алып барылды, сәламәт яшәү рәвеше турында фикер алышынды.

Язгы лагерьның соңгы көннәре бик күңелле үтте. Укучыларыбыз "Шоу мыльных пузырей" карадылар, пластилиннан чәчәк ясау мастер- классында катнаштылар.
"Хөрмәтле гимназиябезнең администрациясе, оештыручы Фәния Наилевна, укытучылар! Шундый күңелле, кызыклы, берләштерә торган лагерь оештырганыгыз өчен рәхмәт сезгә! Бу бик зур хезмәт! Сезгә киләчәктә сәламәтлек, эшегездә, гаиләгездә уңышлар теләп калабыз!- дип җылы теләкләрен җиткерделәр әти- әниләр.

29 нчы март көнне гимназиябез укучылары Идел буе районы мәктәпләре арасында уздырылган "Ход конём" шахмат турнирында катнашып кайттылар. Нәтиҗәләрне көтеп калабыз!

Гимназиябез активистлары Гөлчәчәк Әсхатовна җитәкчелегендә 362 нче номерлы балалар бакчасында "Үзгәреш җиле" исемле мастер- класс үткәрделәр. Балалар үзләренең теләкләрен рәсемнәрдә чагылдырдылар. Чара барышында "Орлята России" значогы "Барсик" таратылды, "Время Первых" флешмобы башкарылды. Активистлар һәм балалар уңай эмоция һәм яхшы кәеф алдылар!

Видеога сылтама: https://vk.com/club216931602?z=video-216931602_456239248%2F3fea05cc7e11505e6c%2Fpl_wall_-216931602

Укучыларның ялын файдалы һәм күңелле итеп оештыру максатыннан, күп төрле чаралар оештырылды:
- "Күңелле стартлар" бәйгесе уздырылды. Командаларга йөгерү, сикерү, туплы эстафеталар белән мавыктыргыч конкурслар тәкъдим ителде. Укучылар тизлектә, җитезлектә, командада эшли белүдә көч сынашты;
- Китапханәче Зөлфия Рафаильевна балалар язучысы К. И. Чуковский иҗаты буенча кызыклы викторина үткәрде. Укучылар "Крокодил", "Мойдодыр", "Федорино горе" әсәрләре белән таныштылар;
- Гимназия активистлары балаларны "Беренчеләр хәрәкәте" белән таныштырдылар, флешмоб өйрәнделәр.