Бүген 8нче сыйныф укучылары Предпринимательство РФ сайтында эшмәкәрлелек темасына тест эшләделәр. Үзләрендә нинди сыйфатлар булдырырга, кайсы якта үз-үзең өстендә эшләү җитмәвен тикшерделәр

Мәктәптә 9 сыйныфлар өчен рус теле фәненнән апробация үтте. Укучылар телдән сөйләм буенча үзләрен сынап карады.
 

Җиңү волонтерлары "Рәсәйнең бөек исемнәре" дип аталган акция үткәрде. Алар илебезнең данлыклы, атказанган, төрле өлкәләрдә зур уңышка ирешкән кешеләр турында мәгълүмат җиткерделәр.Аларның исемен онытмыйк, алар калдырган байлыкны саклыйк дип ассызыкладылар волонтерлар.

24 октябрь көнне мәктәбебездә Парламент сәгате үтте. Тарих һәм җәмгыять белеме укытучысы Каримова Роза Сабирҗан кызы укучыларга дәүләт структурасы, законнар, дәүләт оешмалары турында башлангыч белемнәр бирде. Авыл депутаты Валасеев Владимир Григорьевич үз эшчәнлекләре турында мәгълүматбирде.

Уйнап, гөрләп мәктәбебездә Көзге бал бәйрәме дә үтеп китте. Укучылар, сыйныф җитәкчеләре һәм ата-аналар бу бәйрәмгә ныклап әзерләнгәннәр иде. Яшелчәләрдән сыннар, көзге букет, көз темасына исем һәм девиз, җыр-биюләр, сценкалар, көзге мода- бар да кызыклы, эчтәлекле булды. Сыйныфлар арасында көчле көрәш барды һәм, нәтиҗәдә, беренче урын 5 сыйныфка, икенче урын-җиделәргә, ә өченчесе-алтынчы сыйныфка эләкте. Бәйрәм күңелле үтте.

16 октябрь көнне "Экология һәм энергияне саклау"буенча бөтенрәсәй дәресе үтте. Химия һәм биология укытучысы Гөлшат Хәлим кызы укучыларга энергияне саклау,аның мөһимлеге турында лекция укыды. 

Сыйныф сәгате бүген бик эчтәлекле үтте. Җиңү волонтерлары һәм Юнармеецлар кунакка Бөек Ватан сугышы ветераны Зарипов Хәниф Зариф улын чакырдылар. Волонтерлар ветеранга сугыш турында сораулар әзерләгән иделәр, аксакал әлеге сорауларга җавап бирде, укучыларга бүгенге мул тормышның кадерен белергә нәсыйхәт бирде. Аның өчен башлангыч сыйныф укучылары шигырь һәм җырлар әзерләгән иделәр. Соңыннан волонтерлар тарих укытучысы Каримова Роза Сабирҗан кызы белән берлектә ветеранны мәктәп музее белән таныштырдылар. Очрашу эчтәлекле, вакыйгаларга бай булды.  

Җиңү волонтерлары бүген сугыш чоры баласы-Ибнагимова Асия Габдрахман кызы белән күреште. Асия апа сугыш вакытының бала чагына нинди йогынты ясавы турында күз яшьләре аша ачынып сөйләде. Мөмкинчелекләре аз булса да тырышып укуы, мәктәпне яратуы, яланаяк бер кат оекбаштан кар өстеннән мәктәпкә йөгерүе турында тыңлау балалар өчен бик кызганыч булды. Волонтерлар Асия апаның сөйләгәннәрен язып алдылар һәм уртак фотога төштеләр. 

Урманнар,агачларны саклау максатыннан бүген мәктәптә агачлар утыртылды. "Җиңү волонтерлары" отряды калган укучылар белән берлектә мәктәп участогына агач үсентеләре утыртырга чыктылар.