Бөтендөнья хатын-кызлар көне уңаеннан балалар өчен "Күңелле старт" бәйгесе үтте. Монда безнең мәктәп командасы 3 урынга лаек булды.

Беренче сыйныф укучылары Әлифба китабы белән хушлашты. Алар бөтен хәрефләрне өйрәнеп, олы белем юлына юл тоттылар. 

Ай буена татар теле укытучысы белән 7нче сыйныф укучысы әдәби әсәрләр укып, интернет челтәрендә кичергән кичерешләре белән уртаклаштылар. Финалга 21 көн дәвамында онлайн-марафонда барлык таләпләрне үтәп катнашкан китап укучылар чакырылды. Финал тантанасында, дипломнар һәм бүләкләр тапшыру белән беррәттән, танылган татар язучылары һәм шагыйрьләр белән очрашу үткәрелде, Татарстан китап нәшриятында яңа нәшер ителгән китаплар белән таныштыру оештырылды.

Башлангыч сыйныф укучылары фәнни-гамәли конференциядә чыгыш ясадылар. Алар жюрига үзләренең проект эшләрен тәгъдим иттеләр.

Ватанны саклаучылар көненә багышлап мәктәптә маршировка, бәйрәм концерты,"Ягез әле, егетләр!" кебек чаралар оештырылды.

21 февраль – Халыкара туган тел көне. Бүген дөнья халыклары алты мең телдә сөйләшә. Шуның яртысы диярлек юкка чыгу куркынычы астында тора. Туган тел – беренче тапкыр әти, әни дигән тел. Һәр милләт кешесе дөньяны беренче тапкыр туган теле аркылы аңлый башлый, дөньядагы иң матур, иң изге сүзләрне күп вакыт үз телендә ишетә, шул телдә әйтә, шушы телдә шатлана, куана. Бүген балаларның үз телләрендә һәм татар телендә никадәр матур итеп сөйләгәннәрен, никадәр матур итеп җырлаганнарын тыңладык. Алар викторинада катнашты, шигырләр сөйләде.

Ай буена мәктәп балалары өлкән яшьтәге авылдашларына ярдәм күрсәтте. Алар йорттагы булган эшләрен эшләште, аларның хәлләрен белеште.

Әлеге чарага багышлап мәктәбебездә китап күргәзмәләре, ачык дәресләр, сыйныф сәгатьләре, викторина үткәрелде. Бөек шагыйрьнең тормыш юлы, иҗаты янәдән көн кадагына куелды, шигырьләре яттан сөйләнде. 

Бүген "Татарстан чаңгы юлы-2019"  старты булды. Ярышта 45 укучы һәм укытучы катнашты. Соңыннан чәй белән коймак ашап бәйрәм иттеләр