Бүген бездә гөрләп Яңа ел кичәсе үтте. Балалар төрле костюмнардан, матур күлмәкләрдән иделәр. Алар уеннар, җырлар, биюләр белән бәйрәмне әкияти дәрәҗәгә җиткерделәр. 

IT чемпион конкурсының беренче этабы тәмам. Безнең мәктәп янәдән җиңүчеләр рәтендә. 9 сыйныф укучысы Абдрафиков "Иң актив укучы", 9 һәм 4 сыйныфлар "Тату класс" номинацияләрендә җиңүче дип танылды.

Башлангыч сыйныфлар укытучысы Сунгатова Римма Мәлик кызы "Ел укытучысы" районкүләм муниципаль бәйгесендә катнашты. Ул "Стабильлелек-мастер билгесе" номинациясендә җиңүче исемен яулады.

Рәсәй Федерациясенең 25 еллыгын мәктәптә сыйныф сәгатьләре, китапханәдә тематик әңгәмәләр аша билгеләп үттеләр. 

«Федераль дәүләт белем бирү стандартлары шартларында мәктәпкәчә һәм башлангыч белем бирүдә дәвамчылык» темасына мәктәптә башлангыч сыйныф укытучылары һәм балалар бакчасы тәрбиячеләренең семинары үтте. Килгән кунаклар дәресләр һәм балалар бакчасында шөгель карадылар. Балалар тарафыннан татар халкының милли гореф-гадәтләренең берсе булган "Утырмада" исемле күренеш тә күрсәтелде. Кунаклар бик канәгать калды. 

Башлангыч сыйныф укучылары өчен "Без сәламәт тормыш яклы" исемле спорт уеннары булып үтте. Укучылар ике командага бүленеп көчләрен сынашты. Әлеге ярыш Бөтендөнья СПИДка каршы атналык кысаларында оештырылды. 

Мәктәптә Бөтендөнья СПИДка каршы көрәш көненә багышланган чаралар үтә. Бүген укучылар өчен сыйныф сәгатьләре һәм өлкән сыйныфтагылар өчен медицина эшчесе Закирова Г.И. белән "Түгәрәк өстәл" үткәрелде. Мона элеге чирнең килеп чыгышы, анадан саклану һәм булдырмау чаралары турында әңгәмә алып барылды.  

23 ноябрь көнне мәктәбебездә Әниләр бәйрәме үтте. Кадерле әниләребез өчен укучыларыбыз тетрәндергеч шигырьләрен, матур җыр-биюләрен башкардылар. Бәйрәм өстәл табыны артында дәвам итте.

Мәктәп линейкасында Бөтендөнья СПИДка каршы көрәш көненә багышланган атналык башлануы турында игълан ясалды. Укучылар өчен мәгълүмати стенд ясалды, монда алар әлеге чир турында информация ала алачаклар. Атна буе тематик чаралар, сыйныф сәгатьләре үткәреләчәк дип планлаштырыла.   

Районда ""Тату сыйныф серләре" исемле ата-аналар комитеты конкурсы үтте. Монда безнең мәктәп данын якларга 6нчы сыйныф ата-аналары комитеты барды.Алар дус булу серләрен, мәктәп, укытучыларга эшләрендә нинди ярдәм күрсәтүләре турында чыгыш ясады. Нәтиҗәдә, алар лаеклы 3нче урын яулап кайттылар.Аларга зур рәхмәтебезне белдереп, алдагы көннәрендә зур уңышлар телик.