Халыкара туган тел көне уңаеннан татар теле һәм әдәбияты укытучысы Шаймарданова М.Г. укучылар белән берлектә бик матур бәйрәм иртәсе әзерләп күрсәтте. 

Туган телләрнең ункөнлеге уңаеннан бүген 1 сыйныфта бәйрәм үткәрелде. Укучылар бүген зур җиңүләрен бәйрәм иттеләр. Әлифба һәм Азбука дәреслекләрен төгәлләү хөрмәтенә әниләр белән бергәләп бәйрәм ясадылар. Бәйрәмгә нинди генә әкият геройлары килмәгән иде - Кызыл Калфак, Белмәмеш, Шәвәли, Шүрәле һ.б. Алар һәрберсе үз биремнәрен укучыларга тәкъдим итте. Әлифба һәм Азбука дәресләрендә алган белемнәрен кулланып 1 нче сыйныф укучылары аларның бик тиз җавапларын таптылар. Бәйрәм ахырдан әниләр һәм укытучы Гүзәлия апалары белән бергә чәй табыны артында дәвам итте.

Бүген 4 нче сыйныф кызлары Алимжанова Зарина һәм Тимошева Дарья Кама Аланы бистәсендә узучы патриотик җыр конкурс-фетивалендә катнаштылар. Әлеге чара быелгы ике зур датага - Җиңүнең 75 һәм ТАССРның 100 еллыгына багышлап оештырылган иде.

Бүген тарих укытучысы Нуруллина Г.Н. 9-11 сыйныф укучылары өчен Җиңүнең 75 һәм ТАССРның 100 еллыгына багышлап "Парламент дәрес-2020" үткәрде. Әлеге дәрескә авылыбызда яшәүче тыл ветераны 95 яшьлек Ильдарханова Зөләйха һәм сугыш чоры баласы Яруллина Әкълимә апалар зур кунак итеп чакырылды.

Әти-әниләргә, укучыларга һәм укытучыларга әлеге экологик акциядә актив катнашканнары өчен рәхмәт белдерәбез. Әлеге акция һаман да дәвам итә, кулланылган батарейкаларыгызны көтеп калабыз!

13 февраль көнне мәдәният йортында авыл җыены булды. Кызыл Чапчак авыл җирлеге башлыгы Ильдарханов Б.В. Югары Чаллы мәктәбенең 7 нче сыйныфында укучы  герой - Аюпов Илфат турында, аның җәй көне эшләгән батырлыгын халыкка сөйләде һәм аңа рәхмәт хаты тапшырды. Шулай ук кызларыбыз үзләренең матур биюләре белән сөендерделәр.