Шундый шәп яңача спектакль әзерләгән өчен яшь артистларга һәм апаларына чиксез рәхәтләребезне белдерәбез. Әфәрин дип кенә әйтәсе килә!!!
"Алмаш" театрына зур унышлар телибез, гел безне шулай шатландырып торсыннар!

"Без срока давности" проекты кысаларында Нафикова Х.Г. укучылар һәм укытучылар өчен Ленинград камалышы, камалыш ипие турында мәгълүмати сәгать уздырды.

2021-2022 уку елында безнең мәктәп Татарстан Республикасы территориясендә яшәүче халыкларның телләрен, гореф-гадәтләрен саклауга һәм үстерүгә юнәлдерелгән проектларны тормышка ашыру буенча муниципаль мәгариф оешмалары арасында үткәрелгән республика конкурсында 500 000 грант отты. 

Проект өстендә татар теле һәм әдәбияты укытучысы Шәймәрдәнова М.Г., рус теле һәм әдәбияты укытучысы Киямутдинова И.Г. һәм уку-укыту эшләре буенча директор урынбасары Садыкова Г.М. эшләделәр. Аның максаты мәктәп тормышын, андагы яңалыкларны чагылдырган "Җилкәй" газетасы чыгару.

Бүген  Югары Чаллы авыл китапханәсе каршында эшләп килүче "Алмаш" театр клубына йөрүче укучыларыбыз (җитәкчесе Зиннәтуллина Р. З.)"Теремкәй" курчак театры белән "Алтынчәч" балалар бакчасына бардылар. Чыгышлары беткәч алар нәниләр өчен кызыклы, хәрәкәтле уеннар оештырды.

Бүген 1-11 сыйныф укучылары өчен мәктәпнең актлар залында Чыршы бәйрәме уздырылды. Балаларга онытылмаслык чараны "Сөенеч" курчак театры артистлары оештырды. Кыш бабай һәм Кар кызы белән укучылар рәхәтләнеп биеделәр, җырладылар, уйнадылар. "Сөенеч" курчак театры коллективына сүз тыңлап, вакыт табып безгә килгәннәре өчен мәктәп администрациясе һәм коллективы үзенең рәхмәтен белдерә!

Бүген Кама Аланының 2 нче номерлы мәктәбендә Түбән Кама муниципаль районы  мәгариф хезмәткәрләренең XXI Спартакиадасы зачетына өстәл теннисы буенча ярышы узды.
Безнең мәктәп данын яклап башлангыч сыйныф укытучысы Габдрахманова Мөсәллимә Габделхәй кызы һәм физкультура укытучысы Миннегалиев Фазыл Минразый улы барды.
Ярыш нәтиҗәләре буенча  мәктәп командасы IV урынны алды, ә шәхси беренчелектә Миннегалиев Ф.М.  II урынны яулады! Афәрин! Котлыйбыз!

В.А. Сухомлинский фикеренчә, бары тик хезмәт кенә кешене иҗади, акыллы, мәдәниятле һәм белемле итә алачак. Нәкъ менә хезмәт кенә баланың табигый үсешен билгели, тумыштан салынган сәләтен ача ала.

Мәктәп балаларны хезмәткә тартканда аларда иптәшлек һәм ярдәмләшү хисе тәрбияләнсен, характерлары, ихтыяр көчләре, мускуллары ныгысын, бергәләшеп файдалы эш эшләүләре белән горурлану хисе тусын дип тә кайгырта.

Шушыларны истә тотып һәм патриотик хисләрне укучыларда арттыру максатыннан бүген технология укытучысы Миннегалиев Ф.М. 5-6 сыйныф укучылары ярдәмендә авыл һәйкәлен яңа яуган кардан чистарттылар.

Сегодня в рамках Года цифровизации в Республике Татарстан в Казани проходит Всероссийский форум «Новые вызовы – подготовка кадров для цифровой экономики»,  в работе которого участвуют директора школ - Центров образования «Точка роста» 2019-2022 годов. 

Форум организован Министерством цифрового развития государственного управления, информационных технологий и связи РТ и Министерством образования и науки РТ.

В рамках Форума работают 3 секции:
1. IT-трансформация системы образования под запросы цифровой экономике РФ.
2. Цифровая трансформация через воспитание.
3. "Точки роста"- как агрегатор ранней профориентации.

В Форуме участвует директор нашей школы Ахтямов Ф.Г.

2022 елның 6 декабрендә Әлмәт шәһәрендә 2019-2022 елларда уку йортларында «Үсеш ноктасы» булдырылган мәктәп директорларының форумында Ахтямов Ф.Г. катнашты. 

6 декабря 2022 года в Альметьевске проводился форум директоров общеобразовательных организаций, на базе которых созданы центры образования «Точка роста» в 2019-2022 годах.

2нче декабрь көнне Түбән Кама муниципаль районы мәгариф ветераннар советы Югары Чаллы гомуми урта белем бирү мәктәбендә кунакта булдылар. 
Ишек төбеннән үк аларны гвардия өлкән лейтенанты Фәйзуллин Шәйхулла исемен йөртүче юнармия отряды каршы алды. 
Хөрмәтле кунаклар өчен мәктәп директоры Фәнис Габделхәй улы яңартылган бина буенча экскурсия оештырды. 
Аннан мәгариф ветераннар советы үзләренең чираттагы җыелышларын үткәрер өчен мәктәпнең актлар залына уздылар. Мәктәпнең тәрбия эшләре буенча директор урынбасары Миннегалиев Ф.М. беренче булып сүз алды. Ул уку йортында патриотик тәрбия бирү торышы турында сөйләде. Аннан соң мәктәпнең ветераннар советы председателе Емельянова Н.М. үзенең эш тәҗрибәсе белән уртаклашып чыгыш ясады. 
Районның мәгариф ветераннар советы җитәкчесе Галиәхмәтов Р.Г. мәктәп директоры Ахтямов Ф.Г. га рәхмәт хаты, Емельянова Н.М.га мактау кәгазе тапшырды. 
Җыелыштан соң кунаклар ашханәдә чәй табынына рәхим иттеләр.