Бүген "Алмаш" чаңгы базасында Түбән Кама районы авыл мәгариф оешмалары хезмәткәрләре арасында XX Спартакиада исәбенә чаңгы ярышы узды.
Шәхси беренчелектә ир-атлар арасында 2 км лы дистанцияне Миннегалиев Фазыл Минразый улы уңышлы үтеп призлы II урынны, ә хатын-кызлар арасында Миннегалиева Кадрия Миргарифан кызы 1 км лы дистанциядә I урын алды. Мәктәп командасы гомуми исәп буенча - I урынга чыкты. Котлыйбыз!

Сегодня на лыжной базе "Алмаш" прошло муниципальное соревнование по лыжным гонкам среди работников сельских образовательных организаций НМР в зачет XX Спартакиады 2021-2022 года. 
В личном первенстве среди мужчин Миннегалиев Фазыл Минразиевич -призовое 2 место , среди женщин Миннегалиева Кадрия Миргарифановна -1 место. В результате наша школьная команда заняла 1 место!!! 

23 февраль - Ватан сакчылары көне һәм хәрби патриотик тәрбия бирү айлыгы уңаеннан 5-11 сыйныф укучылары да бүген "Аҗаган" уенында уйнап ярыштылар. 

21 февральдә дөньякүләм туган тел көне билгеләп үтелә. ЮНЕСКО тарафыннан игълан ителгән әлеге халыкара бәйрәм дөньядагы телләрне саклау, аларны киләчәк буынга исән-имин җиткерү максатыннан оешты. 
Бүгенге көндә галимнәр Җир шарында 7 меңнән артык тел булуын әйтәләр. Һичшиксез, алар арасында миллиардлаган аралашучы һәм шул ук вакытта бер дистә кеше сөйләшә торган телләр дә бар. Хәзерге заманда күпчелегебез ким дигәндә 2-3 телне камил белә. Һәр халыкның теле үзенчәлекле, күп телләр белү дөньяга карашны киңәйтә, төрле милләт халкының мәдәниятен тирәнрәк белергә ярдәм итә. Ләкин туган тел ул бер генә. Безнең телебез – татар теле. Шуңа күрә һәр татар кешесе үз теленә хөрмәт белән карарга тиеш. Сабыйларыбызның теле туган телдә ачылсын. Телебезнең кулланылыш даирәсен киңәйтү, аны балаларыбызга һәм оныкларыбызга тапшыру – безнең төп бурычыбыз. Татар халык мәкале: “Туган телне кадерләгән халык кадерле булыр”, – ди. Туган телләребезне саклыйк, яклыйк, чөнки милләтнең яшәешендә туган тел иң мөһим урыннарның берсен алып тора.

Татар теле һәм әдәбияты укытучысы Шәймәрдәнова М.Г. туган тел көне уңаеннан барлык укучыларны, укытучыларны, мәктәп хезмәткәрләрен бәйрәм белән котлады һәм укучылары белән берлектә әзерләгән концерт программасын тәкъдим итте.

Хәрби-патриотик тәрбия бирү айлыгы кысаларында мәктәп үзидарәсе "Өйдән хат" акциясендә катнашты. Алар  безнең мәктәпне тәмамлаган,  бүгенгесе көндә Армия сафларында хезмәт итүче солдат егетебез Аюпов Илсаф Булат улына якынлашып килүче 23 февраль -Ватан сакчылары көне белән котлап хат юлладылар. 

Бүген хәрби-патриотик тәрбия бирү айлыгы кысаларында һәм Пекиндагы Кышкы Олимпиадада финалга чыгу өчен уйнаучы хоккейчыларыбызга теләктәшлек йөзеннән укытучы ир-егетләр һәм укучы малайлар арасында иптәшләрчә хоккей турниры узды. 

"Табигать дуслары" түгәрәген саф һавада - чаңгыда! 
Түгәрәк җитәкчесе Миннегалиева К.М. балаларның сәламәтлекләрен ныгыту максатыннан, һава торышы мөмкинлек биргәндә, шөгыльне саф һавада уздыру яклы.
Нинди матур көн
Чаңгы шуарга!
Иптәшләр белән
Чыгабыз тауга...
Тау түбәсенә
Менеп баскач та:
“Ай-яй биек!” – дип,
Карыйсың аска.
Ә без шундыйлар –
Курка белмибез,
Кала ак карда
Тик эзләребез.

15 февраль көнне илебез Совет гаскәрләренең Әфганстаннан чыгарылган көнен искә ала. 1989 елдан башлап бу көн илебездә Әфганчылар көне буларак билгеләп үтелә.

"Әтием һәм абыем батырлыгы - минем өчен чиксез горурлык" ди 7 сыйныф укучысы Ахунов Идрис әтисе хакында һәм Салимгараев Булат абыйсы турында.

2нче сыйныф укучысы Нигматзянов Әмир (кл.җит. Миннегалиева К.М.) Учи.ру порталында уздырылган рус теле буенча Бөтенрәсәй олимпиадасында катнашып югары балл җыя һәм грамота белән бүләкләнә. Афәрин!