Октябрь аенда Түбән Кама муниципаль район күләмендә  Эльвира Долотказина җитәкчелегендә "Авылым хуҗабикәсе" конкурсы үткәрелде. Безнең мәктәптән  башлангыч сыйныф укытучысы Болгар авылында яшәүче Садртдинова Фирдәвес Зәкәр кызы катнашты.

Ә инде конкурсның үзенә килгәндә аны залда рәхәтләнеп тамаша кылуы гына җиңел, ә сәхнәгә чыгып, күпме күз карап торганда каушамыйча үзеңне арада иң остасы иң булдыклысы итеп күрсәтү өчен күпме тырышлык, эчне бер үҗәтләп һәм, әлбәттә инде, үзеңне арада иң сөйкемлесе итеп тоя белергә кирәк. Ничәмә-ничә йөз пар күз сиңа төбәлгәндә токмач кисү, сәхнәгә эшче киемнәреннән һәм кулларына такта, эш кораллары тотып чыккан безнең коллегабыз Фирдәвес Садртдинова, ир затларының бик сирәге генә булдыра ала торган, электро пила һәм электродриль белән эшләп бөтен халыкны шаккатырды.

Без хезмәттәшләре аның өчен бик шат, алга таба да шулай барчабызны сөендереп торсын!