Кил, өйрән, и туган, бер башка телне

Бүтән телләр белү яхшы һөнәрдер.

Катыштырма вә ләкин телгә телне

Тел уйнатмак наданлыктан әсәрдер.

                                                    Дәрдемәнд.

Хәрби-патриотик айлык кысаларында мәктәптә күп кенә чаралар үтә. Бүген башлангыч сыйныф укытучылары Кәлимуллина И.Г. һәм Краснова Ф.Г. "XXI гасыр рыцаре" исеме астында бәйге оештырдылар. Бәйгедә 2-4 нчесыйныф егетләреннән торган "Җитезләр" һәм "Көчлеләр" командалары катнашты. Алар үзләрен атуда, машина тәгәрмәчен куюда, математикада, вальс биюдә һ.б. ярыш төрләрендә сынап карадылар. Бәйге җанатарларның концерт номерлары белән үрелеп барды. 

Тиздән 23 нче февраль Ватанны саклаучылар көне. Шул уңайдан һәрбер сыйныф классташ егетләрен, укытучы абыйларын котлап стена газеталары чыгарды. 

Тарих укытучысы Гарипов Расим Фаиз улы 7-11 нче сыйныфлар өчен "Яшь сайлаучы" дәресе үткәрде. Укучыларга сайлау тарихы, тәртибе,  сайлаучыларның хокукы һ.б. турында сөйләде.

21 нче февраль - Халыкара Туган тел көне.

Туган оясыннан аерылган кош

Канатына мәңге ял тапмый.

Туган телен яратмаган кеше,

Башкаларның телен яратмый.

19 нчы февраль көнне физкультура укытучысы Сулейманов Р.Р.  мәктәптә "Ягез әле, егетләр!" кичәсе үткәрде. Кичәдә 7 - 11 нче сыйныф укучылары катнашты.  Укучылар үзләрен спортның төрле өлкәләрендә сынап карадылар.  Бәйрәмгә әтиләр дә килде. Кичә күңелле узды. Мәктәп дирекциясе катнашучы командаларга тортлар бүләк итте.

Бүген бездә зур бәйрәм - "Әлифба" бәйрәме булды.1 нче сыйныф (укытучылары Атласова А.Д.) укучылары әлифба белән хушлашты. Балалар төрле авырлыктагы сорауларга җавап бирделәр, кызыклы мәсьәләләр чиштеләр, җырлар башкардылар, уйнадылар. Бәйрәмгә килгән әниләр һәм балалар арасында ярыш та оештырылды. Укучыларны котларга "Әлифба", "Математика", "Туган тел" дә килгән. Әниләр балаларына изге теләкләр әйтеп, уңган юллар теләп, бүләкләр тапшырдылар. Мәктәп директоры Сулейманова Л.И. котлап, кызыклы китаплар таратты.

10 нчы сыйныф укучысы Ризванова Энҗе татар әдәбиятынанн үткәрелгән фән олимпиадасының  республика турында катнашып призлы урынга лаек булды. 

Энҗене һәм татар теле һәм әдәбияты укытучысы Гарипова Лилия Рәүф кызын котлыйбыз. Аларга иҗади уңышлар телибез.

Хәрби - патриотик айлыкның иң күңелле вакыты - "Аҗаган" уены. 5-11 нче сыйныф укучылары "Яшелләр" һәм "Кызыллар" командасына бүленде. Башлангыч сыйныф укучылары җанатарлар булдылар. Командалар төрле хәрби-сугышчан биремнәр үтәделәр, эстафеталарда катнаштылар. Соңыннан урамда пешерелгән плау ашадылар, кайнар чәй эчтеләр.