Бүген безнең мәктәп укучылары Г.Тукайның туган көнен билгеләп үтте. 1-7 нче сыйныф укучылары шагыйрьнең "Кәҗә белән сарык", "Таз", "Бала белән күбәләк", "Су анасы" һәм башка әсәрләрен сәхнәләштерделәр. Шулай ук Тукай сүләренә язылган җырлар да яңгырады.

Экологик айлык кысаларында мәктәптә сыерчык оялары ясауга бәйге игълан ителде. Бәйгедә 2 нче сыйныфтан Нуриева Л., 4 нче сыйныфтан Сахабиева Ч., 8 нче сыйныфтан Яруллин Раил җиңеп чыктылар. 11 нче сыйныф укучылары исә бу ояларны канатлы дусларыбыз өчен агачларга урнаштырды.

Мәктәптә авылыбыз горурлыгы Ибраһимов Г.И. - Дан орденнарының тулы кавалерына багышланган бик күп чаралар үтә. Барлык сыйныфларда да класс сәгатьләре узды. 5 нче сыйныф укучылары класс сәгатенә геройның туганын Закиева Р.Н. да чакырдылар.

Көннең яктылыгы кояшта,

Күкнең матурлыгы йолдызларда,

Җир йөзенең гүзәллеге хатын-кызларда!

Хөрмәтле хатын-кызлар!

Шушы бәйрәм көне, елмаеп баткан кояш матурлыгын, табигатьнең самимилеген өстәп, күңелләрегезгә шатлык, сихәтлек, өйләрегезгә иминлек алып килсен.

Без телибез сезгә зур бәхетләр,

Күтәренке булсын күңелегез.

Матур яшәгез сез, кайгы-хәсрәт күрми,

Гел шатлыктан торсын гомерегез.

Балагызның берәве сез,

Гаиләнең йөрәге сез,

Иминлекнең терәге сез,

Һәркемнең кирәге сез.

Сез чаялар, сез батырлар,

Сез дөньяда иң матурлар.

Сез булганга тормыш ямьле,

Сез булганга яшәү гамьле.

6 нчы март көнне Краснова Ф.Г.  3 нче сыйныф укучылары белән әбиләрне һәм әниләрне бәйрәм уңаеннан кунакка чакырдылар.