Туган телебезне, тарихыбызны, рухи байлыкларыбызны, гореф-гадәтләребезне өйрәнеп, буыннар арасында ныклы бәйләнеш булдыру, бөек милләт булып яшәвебезне дәвам итү максатыннан, бакчабызда "Шәл өмәсе" бәйрәме үтте. 

82 нче “Көнбагышкай” балалар бакчасында әти-әниләр өчен “Гаилә учагы” дип аталган клуб бишенче елын эшләп килә. Бу клубның максаты булып гаиләдә ата –ана белән бала арасындагы мөнәсәбәтләрнең төрләрен ачыклау, гаиләдә барлыкка килүче низаглы хәлләрне билгеләү һәм аларны хәл итү юлларын ачыклау, ата-аналар белән  төрле анкетированиеләр үткәрү.

Бу клуб эшчәнлегендә проблемалар күтәрелә, туган сорауларга җаваплар эзләнә. 

Гыйнвар аенда уткәрелгән клуб эшчәнлегендә гомер- гомергә гаилә тормышның учагы һәм нигезе булуы турында сөйләнелде. 

       82 нче “Көнбагышкай” балалар бакчасында һәрдаим педагоглар өчен консультацияләр үткәрелеп тора. “Балаларга нинди китаплар укырга?”, “Бакчага барганда сөйләм уеннарын уйныйбыз” дигән темаларга укытучы-логопедлар Төхбәтуллина Гөлнара Гайнелхаковна, Халимова Гөлназ Гаязовна, Миндиярова Гөлнара Ралифовна чыгыш ясадылар. Тәрбиячеләргә балалар өчен кирәк булган китап исемлеге белән таныштырдылар, китапны укыгач әңгәмәләр үткәрергә, сорау-җавап формасында уеннар үткәрергә, укылган китап буенча фикерләр алышырга кирәклеген ассызыклап үттеләр.

Яр Чаллы шәһәренең "Җәлил укулары" III халыкара әдәби конкурсында хезмәттәшебез Локманова Сөмбел Фирдәвис кызы җиңү яулады! Котлыйбыз! Уңышлар телибез!

82 нче “Көнбагышкай” балалар бакчасында иҗади төркем «Туган телдә белем һәм тәрбия бирү» өчен көндәлек эш планы яза башлады.

14 нче гыйнвар көнне безнең бакчабыз белән 52 нче мәктәп арасында  түгәрәк өстәл булды. Бу түгәрәк өстәл кысаларында алга таба да эшләү юнәлешен яхшырту, дәвамчыллыкның сыйфатын тагын да үстерү турында сүз барды. Алдагы айларга план төзелде.

82 нче “Көнбагышкай” балалар бакчасында педагоглар өчен «Уен - мәктәпкәчә яшьтәге балаларның төп эшчәнлеге. Аны оештыру өчен шартлар булдыру» дигән мастер-класс үтте. Мастер-класс кысаларында тәрбиячеләр үзара бер-берсе белән фикер алыштылар, булган белемнәре белән бүлештеләр.

В Татарстане 2021 год объявлен Годом родных языков и народного единства. Соответствующий указ подписал президент республики Минниханов Р.Н.