Электронное образование Республики Татарстан

Муса Җәлил-олылар һәм балалар өчен бик күп әсәрләр иҗат иткән онытылмаслык бөек шагыйрь. Без  аның иҗаты белән балалар бакчасында кече яшьтән таныша башлыйбыз. Җәлил атналыгында әсәрләрен уку, иҗаты һәм тормышы белән таныштыру, шагыйрьнең шигырьләрен дөрес, аңлап сәнгатьле итеп сөйләү күнекмәләрен үстерү максатлары куела. Шагыйрь әсәрләрендәге геройлар кебек илгә, халыкка тугърылыклы, намуслы, дус, бердәм булып үсәргә өйрәтү – төп бурычларыбызның берсе. “Маэмай”, “Куян”,”Әтәч” “Күке” шигырьләре әйләнә-тирә дөнья белән танышуга ярдәм  итә. Уртанчылар төркеменнән алып җитдирәк әсәрләрен өйрәнә башлыйбыз, чөнки балалар инде бу яшьтә яхшылык белән начарлыкны  аерырга  өйрәнә, батырлык һәм куркаклык  сыйфатлары  белән  таныш була . “Сәгать “, “Каракпеси”, “Чишмә”, “Кызыл ромашкалар”, һ.б. шигырьләре  эшне  вакытында ,төгәл башкарырга,үз өстеңә алган вазыйфаларны төгәл үтәргә өнди. Балалар  М.Җәлил геройлары ярдәмендә уңай һәм тискәре сыйфатларны аерырга өйрәнәләр. Без бүген авыл клубында  шагыйрьне искә алдык, шигырьләрен сәнгатьле итеп сөйләдек. 

Яфракларны коя-коя,

Бакчабызга килде көз,

Алтын сары яфракларны

Кулыбызга җыйдык без.

Без бүгенге бәйрәмебездә көзгә багышланган җырлар җырладык, шигырьләр сөйләдек, уеннар уйнадык, рәхәтләнеп ял иттек.

Балалар  төрле чәчәкләр белән танышуны дәвам иттеләр, көзге узгәрешләр турында сөйләделәр.Шигырьләр ,табышмаклар әйтештеләр.