24 нче ноябрь көнне Алабуга шәһәрендә "Татар теле , әдәбияты һәм тарих: үткәне, бүгенгесе, киләчәге" дип исемләнгән  VIII Бөтенрәсәйкүләм фәнни-гамәли конференция үткәрелде. Бу конференциядә безнең мәктәп укучылары Гибадуллина Г.Г. (укытучысы Амирова М.Р.), Шакирова С.А. (укытучысы Шакирова А.М.) катнаштылар. Укучыларга, укучыларны әзерләгән укытучыларга рәхмәтебезне җиткерәбез.

22 нче ноябрь көнне Мизгелдә "Көз гүзәле-2017" конкурсы үткәрелде. Конкурста безнең мәктәп укучысы Идиатуллина Аделина (3 кл.) катнашты. Аделина матур итеп чыгыш ясады. 

1-4 нче сыйныф укучылары арасында мәктәп туры "Бәхетле балачак" дип исемләнгән шигырь бәйгесе оештырылды. Укучылар төрле шагыйрьләрнең шигырьләрен ятлаганнар. Район турына укучылар сайлап алынды. Катнашкан укучыларга грамоталар бирелде.Әзерләгән укытучыларга рәхмәтләребезне җиткерәбез. 

Бүген мәктәптә 1-9 нчы сыйныф укучыларының ата-аналар җыелышы үткәрелде. Җыелышта балигъ булмаган яшүсмерләр белән эшләүче инспектор Илфат Разиф улы катнашты. Ата-аналар җыелыштан күп яңалыклар ишетеп кайтып киттеләр.

Бүген район мәдәният йортында "Тату сыйныф серләре" республикакүләм конкурсның районкүләм этабы булып үтте. Мәктәбебезнең ата-аналар комитеты членнары матур гына чыгыш ясадылар. Дирекция тарафыннан рәхмәтебезне җиткерәбез.

12 ноябрь көнне Мәлләтамак авылында урнашкан мәдәният йортында зона тур КВН ярышы булып узды. Бу ярышта безнең мәктәп командасы "Дөбер-шатыр" исеме астында чыгыш ясап, Мәлләтамак авылының командасын җиңде. Укучыларыбызны котлыйбыз!!! 

Бүген районда укучыларның фәнни-гамәли тикшеренү эшләренең икенче туры булып узды. Безнең мәктәптән 9 сыйныф укучысы Гибадуллина Гөлгенә (укытучысы Амирова М.Р. татар теле һәм әдәбияты укытучысы) үз эше белән  катнашыты. Укучыга һәм укытучыга рәхмәтебезне җиткерәбез!!!

Сегодня в Муслюмовском муниципальном районе прошел Форум юных граждан, в котором приняли участие учащиеся со всех школ района. Из нашей школы участвовали ученики 9 класса. В ходе мероприятия была принята резолюция Форума юных граждан Муслюмовского района в рамках развития детского общественного движения.

10 ноябрь көнне 9 сыйныфларның ата-аналар җыелышы булып узды. Ата-аналар җыелышы ике өлештән торды. Беренче өлешендә әниләр балалары белән бергә рус теле фәненнән ОГЭ эшләп карадылар, география дәресеннән ачык дәрес карадылар. Икенче өлештә һәр фән укытучысы укучыларның укуга карашлары, имтиханга әзерлекләре турында аңлаттылар. 

Атна дәвамында мәктәп белән балалар бакчасы арасында хезмәттәшлек эшләре дәвам итте. Бүген, 10 ноябрь көнне 1 сыйныф укучылары белән мәктәпкәчә әзерлек төркеменә йөрүче балалар әвәләү эшчәнлегендә булдылар.  Тәрбияче Сөләйманова Резеда Таһировнага рәхмәтебезне белдерәбез!!!