15 сентябрь- ТВБ туган көне. Шул уңайдан "Балкыш" балалар оешмасы тантаналы җыен үткәрде. Җыенда яңа уку елына эш юнәлеше билгеләнде, эзтабарлар варислар сафына кабул ителде. Яшь варисларны тәбриклибез!!!

Бүген мәктәптә 1-9 нчы сыйныф укучылары белән берлектә кышка әзерлек эшләре башланды. Мәктәп бакчасында бәрәңге алынды. Уңыш бик яхшы булды.

Бүген мәктәптә башлангыч сыйныф укытучысы Динмухаметова Г.Р. 1-4 нче сыйныфларга "Экстремизмга-Юк!" дибез, 5 нче сыйныф укытучысы Амирова Л.А. "Экстремизмга без каршы" дип исемләнгән сыйныф сәгатьләре үткәрделәр. Сыйныф җитәкчеләре укучыларга экстремизм, терроризм хакында аңлаттылар. Сыйныф сәгате ахырында укучылар плакатлар ясадылар.

4 нче сентябрь көнне тарих укытучысы Ахметвалиева Р.М. мәктәпкүләмендә Бесланда булган коточкыч вакыйга хакында сыйныф сәгате үткәрде.  Укытучы вакыйганы укучыларга презентация ярдәмендә аңлатты.  

Бүген мәктәбебездә бик күңелле бәйрәм булды. 1 нче сыйныф укучылары чәчәк бәйләмнәре тотып мәктәпкә килделәр. Укучылар да озын яллардан соң сыйныфташлары белән очраштылар. Бәйрәмне 1, 9 нчы сыйныф укучылары алып барды. Укучылар шигырьләр сөйләделәр, җырлар башкардылар. Бәйрәм бик күңелле булды.  

Мәктәбебез укучылары да "Туган як" агрофирмасына ашлык кабул итүдә ярдәм күрсәтәләр.

Мәктәбебез укытучылары "Туган як" агрофирмасына ашлык чистартуда ярдәм күрсәтәләр.

Мәктәбебезнең тәрбия завучы Амирова М.Р. республикакүләм үткәрелгән август киңәшмәсендә кунакларны каршы алуда катнашты.

Мәктәбебез укучылары республикакүләм үткәрелгән август киңәшмәсендә  гимназиядә кунакларны каршы алуда катнаштылар.

Мәктәпнен тәҗрибә участогына хезмәт десанты төшерелде. Укучылар чын күнелдән яратып бакча эшләрендә катнаштылар