Мөслим авылы "Кояшкай" балалар бакчасы мөдире Миләүшә Әзгар кызы Солтановага 50 яшь тулды. Миләүшә Әзгаровна менә 15 ел инде бакча мөдире вазыйфасын башкара. Ул җитәкче булып эшләгән дәвердә балалар бакчасы район күләмендә генә түгел, республика күләмендә узган бәйгеләрдә катнашып җиңүче Дипломнарына, грантларга лаек булды. Болар барысы да җитәкченең тырышлыгы, клооектив белән эшне тиешле дәрәҗәдә оештыра белүнең нәтиҗәсе. Милүшә Әзгаровнаны юбилее белән котлыйбыз. Аңа хезмәтендә уңышлар, гаилә иминлеге, ныклы сәламәтлек, бәхет, шатлыклар телибез.

Зурлар төркеме балалары тәрбиячеләре И.Хабирова белән "Мөслим йөрәге"ндә ясалган тауга бардылар. Балалар саф һавада уеннар уйнадылар, рәхәтләнеп тауда шудылар.  

Мөслим "Кояшкай" балалар бакчасы коллективы "Иң яхшы Яңа ел бизәлеше" конкурсында актив катнашып район хакимияте тарафыннан 4500 сумлык сертификат белән бүләкләнде.

Воспитанники подготовительной группы познают окружающую действительность  в процессе экспериментальной деятельности. Дети также приобретают жизненный опыт.

Мөслим "Кояшкай" балалар бакчасы зурлар төркеменең "Яңа ел" бәйрәме узды. Бәйрәмгә Убырлы белән Леший, свинка Пеппе, Кыш бабай белән Кар Кызы килделәр. Балалар белән бергәләп күңел ачтылар.

Мөслим "Кояшкай" балалар бакчасы уртанчылар төркеменең "Яңа ел" бәйрәме узды. Бәйрәмгә кунак булып әти-әниләр дә килгәннәр иде. Балалар рәхәтләнеп күңел ачтылар, Кыш бабай, Кар Кызы балалар белән күңелле уеннар уйнадылар, балалар җырладылар, шигырьләр сөйләделәр. 

Мөслим "Кояшкай" балалар бакчасында көтеп алган Яңа ел бәйрәмнәре башланып китте. Икенче кечкенәләр төркеме балаларының бәйрәм иртәсенә әти-әниләр дә кунак итеп чакырылдылар. Килгән кунакларны, балаларны Кыш бабай һәм Кар Кызы бәйрәм белән котладылар, кызыклы уеннар уйнаттылар. Кыш бабай балаларга бүләкләрен таратты.

Мөслим гимназия базасында республика күләмендә фәнни-практик конференция узды. Мөслим "Кояшкай" балалар бакчасы педагогик коллективы конференциянең күргәзмә өлешендә үзләренең хезмәтләрен: лепбуклар, ковробукларын килгән кунакларга тәкъдим иттеләр. 

Мөслим "Кояшкай" балалар бакчасы коллективы зәвыклы итеп ясаган кар сыннары районыбызның Пушкин урамын бизәп тора. Кар сыннары балаларны, хәттә өлкән яшьтәге кешеләрне дә әкияти дөньяга алып керә, бәйрәм рухы тудыра.

Мөслим "Карлыгач" балалар бакчасы базасында "Ел тәрбиячесе-2019" район бәйгесе эшен дәвам итте. Бәйгедә сигез педагог көч сынаштылар. Мөслим "Кояшкай" балалар бакчасыннан тәрбиячеләр Ногманова Динара һәм Фәрхетдинова Голнара катнаштылар. Ике педагог та үзләренең һөнәри осталыкларын күрсәтеп, уңышлы чыгыш ясадылар.