9 нчы февраль көнне, мәктәбебездә "Татарстан чаңгы юллары" чарасы үтте. Әлеге чарада 40 укучы, 15 ата-ана, 5 мәктәпкәчә яшьтәге балалар катнаштылар.

12 нче февраль көнне авыл җыены үткәрелде. Авыл җыенына Мамадыш муниципаль районы башкарма комитеты җитәкчесе Хафизов Илнар Фәнил улы килде. Ул мәктәптә укучыларның дәрестән тыш эшнең оештырылуы белән танышты.

"Тылсымлы буяулар" рәсем түгәрәге укучылары район, Республика һәм Бөтенрәсәй конкурсларында даими катнашып киләләр. Укучыларның һәртөрле конкурсларда яулаган урыннары күп. Түгәрәкнең җитәкчесе Марданова Раилә Илгиз кызы.  Укучыларны һәр җиңүләре белән котлыйбыз.

Мәктәптә февраль ае "Методик эш айлыгы" дип игълан ителде. Айлык кысаларында укытучылар белән семинарлар һәм ачык дәресләр үткәрелде.

18 нче февраль көнне мәктәбебездә чаңгы да йөгерү буенча "Олимпиада-100" ярышы үтте. Бу ярышта 1-9 нчы сыйныф укучылары катнашты. Укучылар чаңгыда йөгерү буенча яхшы нәтиҗәләр күрсәттеләр.

Мәктәптә 18 нче гыйнвардан 24 нче гыйнварга кадәр инглиз теле атналыгы үткәрелде. Атналыкта инглиз теле укытучысы Фархуллина Зөлфия 7 нче сыйныфта ачык дәрес үткәрде һәм 8,9 нчы сыйныф укучылары арасында КВН узды.

27 нче гыйнвар көнне мәктәптә Ленинград блокадасын азат итүгә багышланган чаралар үткәрелде. Мәктәп коридорында укучыларның рәсем күргәзмәсе оештырылды. Тарих укытучысы Фархуллин Р.С. Лениград блокадасы турында класстан тыш чара үткәрде.

24 нче декабрь көнне мәктәбебездә яңа ел бал маскарады үтте. Бал маскарадта укучылар кыш бабай һәм кар кызын каршы алдылар үзләренең һөнәрләрен күрсәттеләр.

Каникул көннәрендә укучылар өчен мәктәптә төрле чаралар үткәрелде. Укучылар өчен хоккей ярышлары, командалар арасында волейбол ярышы, ял кичәләре үткәрелде. Каникулда түгәрәкләр эшләде. Укучылар әби-бабайларга шефлык иттеләр.

Математикадан Республика олимпиадаларының муниципаль этабында призёр булган 4 нче сыйныф укучысы Ханов Василийны һәм 6 нчы сыйныф укучысы Гимазова Лилияне котлыйбыз. Алардан яңа уңышлар көтеп калабыз!