Туган (татар) теле һәм әдәбияты атналыгы кысаларында В.П. Чкалов исемендәге Шөгер урта мәктәбендә 24 апрель көнне шагыйрь Таһир Ярулла улы Шәмсуаров белән очрашу кичәсе узды. Бу очрашуны түземсезлек һәм дулкынлану белән көттек, чөнки шагыйрь үзе күрше авылдан , мәктәбебездә укытучы булып эшләгән. Таһир Ярулла улының шигырьләре — эчкерсез, игелекле — беркемне дә битараф калдырмады. Ул үзенең хис-тойгыларын, кешеләр турында шигырьләрен — җиңел, мавыктыргыч, нәзакәтле юмор белән укыды. Кыскасы, ТаҺир Ярулловичның иҗаты-ул аның күңел дөньясы.Тормыш юлының һәр мизгеле  яшәү, дуслык, мәхәббәт турында уйлану— борчылу, сызлану. Очрашу  матур һәм онытылмаслык эз калдырды.

Мондый чараларны мөмкин кадәр ешрак үткәрергә иде, чөнки  укучыларыбызның ,  безнең арада яшәүче җирле шагыйрьләрне китаплары буенча гына түгел, йөзләре буенча да  белүләре мөһим .