Милли мәдәниятләр һәм гореф-гадәтләр елы уңаеннан 21 ноябрь көнне В.П.Чкалов исемендәге Шөгер урта гомуми белем бирү мәктәбендә  башлангыч сыйныф 1А һәм 1Б укучылары белән китапханәдә "Халкымның күңел көзгесе" дип исемләнгән   чара үтте. Укучылар, халкыбызның рухи дөньясына керү өчен иң уңайлы капка булып торган : әкият дөньясына сәяхәт иттеләр. Беррәттән , китапханәгә кайткан яңа китаплар , "Татар халык әкиятләре", "Балалар фольклоры" һәм татар халкының йөзек кашы булган шагыйребез Роберт Миңнуллинның "Алма бабай" дип исемләнгән шигырьләр җыентыгы белән дә таныштылар. Укучылар үзләренең ни дәрәҗәдә китап сөюләрен, бик күп әкиятләр, шигырьләр белүләрен исбатлап күрсәттеләр. Чара бик күңелле, җанлы рәвештә үтте. Сыйныф җитәкчеләре:  Римма Гөлүсовнага, Лилия Индусовнага зур рәхмәтемне җиткерәсем килә. Укучылар уз-үзләрен тотышлары, тәртипләре , белемнәре ягыннан миндә укучыларга карата соклану уяттылар.