В.П. Чкалов исемендәге Шөгер урта мәктәбенең  1 Б  сыйныф укучылары ( сыйныф җитәкчеләре Саубанова Римма Гөлүс кызы), 22 сентябрь көнне мәктәп китапханәсендә кунакта булдылар. Бу кызыклы  сәхифә  " Әкияттә кунакта", дип аталды. Укучылар китапханә тормышы белән генә танышып калмыйча, төрле, кызыклы викторина сорауларына да җавап биреп, үзләренең нинди дәрәҗәдә кызыксынучан, актив булуларын, әкият яратуларын тагы бер кат исбатлап күрсәттеләр. " Пых" дип исемләнгән әкиятне тыңлап үтеп, үзләрен кызыксындырган сорауларга җаваплар алдылар. Китапханәче Шәйдуллина Гөлфия Вәли кызы үзенең китап сөюче, әкият яратучы нәни дусларын түземсезлек белән көтеп торуын әйтте. Тәүге тапкыр мәктәп китапханәсенең бусагасын атлап керүче нәни дусларыбызга без бик шат. Рәхим итегез, әкият , шигьрият сөюче нәни дусларым.