Милли мәдәниятләр һәм гореф-гадәтләр елы уңаеннан, туган (татар) теле һәм әдәбияты атналыгы кысаларында 28 нче апрель көнне В.П.Чкалов исемендәге Шөгер урта гомуми белем бирү мәктәбендә бөек шагыйрь Г.Тукай иҗатын һәм аның язган шигырьләрен искә алу, шагыйрь турында яңа мәгълүматлар туплау, туган телгә мәхәббәт хисе тәрбияләү максатыннан 5 б сыйныф укучылары белән « Күңелебездә Тукай мәңгелек»» дип исемләнгән сыйныфтан тыш чара үткәрелде. Укучылар шулай ук өйрәнелгән шигырьләре буенча рәсемнәр ясадылар. Соңыннан Г.Тукайның « И,туган тел..» җырын искә төшереп, бергә җырладылар.

       26 нчы апрель- бөек шагыйребез Габдулла Тукайның тууына 137 ел. Габдулла Тукай татар әдәбияты тарихына бөек шагыйрь, әдәби тәнкыйтьче, публицист, яңа татар әдәбиятына нигез салучыларның берсе буларак кереп кала. Ул ватан һәм дөнья мәдәниятенә зур өлеш керткән.
Апрельне Тукай ае дип атыйлар. Чөнки ул апрель аенда туган һәм шул ук айда вафат булган. Ул нибары 27 ел гына яшәгән, әмма бик зур иҗади мирас калдырган. 10 меңнән артык шигырь юлы: 400 дән артык шигырь һәм 9 поэма, шулай ук 350 хикәя, очерк һәм истәлекләр. Тукай хезмәтләре дөньяның 50дән артык теленә тәрҗемә ителгән. Бүген дә аның әсәрләре рус һәм башка милли телләрендә зур тираж белән нәшер ителә.Кыска, әмма рухландыручы иҗади ут белән тулы итеп шагыйрьнең тормышы татар халкы, бөек Россия һәм төрки дөнья тарихының киң күгендә якты, омтылучан, күп гасырлык милли мәдәниятебезне яктыртып барды.