Милли мәдәниятләр һәм гореф-гадәтләр елы уңаеннан, туган (татар) теле һәм әдәбияты атналыгы кысаларында В.П. Чкалов исемендәге Шөгер урта мәктәбендә 27 апрель көнне Наилә Фаритовна, Ләйсән Фаритовна җитәкчелегендә, театральләштерелгән "Давылларда сыгылмас гөлләр"\"У войны не женское лицо" исеме  астында Бөек Ватан сугышы чорын тасфирлаган музыкаль композиция күрсәттеләр.  Бу чараны күз яшьләресез карарга мөмкин түгел. Укучыларның осталыгы, сәхнәдә үз-үзләрен тотышы, зәвыклыгы, сөйләм осталыклары беркемне дә битараф калдырмады. Тамашачы тын да алмыйча,  игьтибар белән тамашаны карады. Бу чара йөрәккә үтеп керде.

Давылларда сыгылмас гөлләр
Нәфис затлар, ир- ат түгелләр.
Холык-фигылләре кырысланган
Барысы да төрле, төрлеләр.

Матур киләчәкне өмет итеп,
Кызлар киткән илен сакларга.
Яшьлек гомерләрен кызганмыйча,
Дошманнардан аны якларга.

Ватан- ана аваз салу белән
Гимнастёрка киеп алганнар.
Кулларында булган автоматы
Ә күпләре...ә күпләре кайтмый калганнар.

Хыяллары булган җиңеп кайту,
Уттан, судан алар курыкмаган.
Танк асларына ташланганнар,
Куркак җаннар анда булмаган.

Һәйкәл булып калкып тора алар
Каһарманнар безнең йөрәктә.
Онытырга һич тә хакыбыз юк
Кайда булсак, кайда йөрсәк тә,

Бүләк булып килгән бүгенге көн,
Кадерләрен белеп без яшик.
Безнең бурыч бүген тырышып уку,
Сынатмабыз, диеп эндәшик

(Шәйдуллина Гөлфия Вәлиевна)