Милли мәдәниятләр һәм гореф-гадәтләр елы уңаеннан, туган (татар) теле атналыгы  кысаларында 26 нчы апрельдә В.П.Чкалов исемендәге Шөгер гомуми белем бирү мәктәбендә татар халкының бөек шагыйре Габдулла Тукайның туган көнен – Туган тел көнен зурлап билгеләп үттек. 
Көн дәвамында укучылар шагыйрьнең шигырьләрен, аның сүзләренә язылган җырлар тыңладылар. Туган тел көненә багышланган “Әткәм — әнкәмнең теле” исемле Тукай әсәрләреннән китап күргәзмәсе оештырылды. 
 Тукай зур хөрмәткә лаек. Ул шагыйрь дә, мәгърифәтче дә. Аның күп кенә сүзләренә гаҗәпләнәсең. Яшьли үлеп китсә дә, Тукай халык, телне саклау турында  алга карап фикер йөрткән.  Шагыйрьнең бу фикерләре бүген генә түгел, киләчәктә дә яшәячәк.
 Татарстаныбызда йөздән артык милләт вәкиле яши, һәркем үз телен яратып, аның белән горурланып, аны сакларга тырыша. Һәр халыкның теле үзенчәлекле, күп телләр белү дөньяга карашны киңәйтә, төрле милләт халкының мәдәниятен тирәнрәк белергә ярдәм итә.