Татарстанда Милли мәдәниятләр һәм традицияләр елы уңаеннан, В.П.Чкалов исемендәге Шөгер урта гомуми белем бирү мәктәбендә татар халкының милли киемнәре турында мәгълүмат бирү, милли мәдәнияткә ихтирам һәм мәхәббәт хисе тәрбияләү, татар халкының үткәненә кызыксыну уяту, милли традицияләребезгә хөрмәт хисе тәрбияләү максатыннан, башлангыч сыйныф укучылары өчен «Татар халыкының милли киемнәре » дип исемләнгән сыйныфтан тыш чара үткәрелде. Элек-электән, татар халкы матурлыкка омтылган. Матурлап киемнәр тегеп, аларга матур бизәкләр ясап, чигеп киенгәннәр, аякларында матур итеп бизәлгән читекләр, ир кешеләрнең башларында чигелгән түбәтәйләр, ә хатын кызларда — калфаклар булган. Чарада башлангыч сыйныф укучылары татар халкының  милли киемнәренең төрлелеге белән таныштылар. Аннары алган белемнәрен ныгыту максаты белән, аппликация рәвешендә, рәсем дәресләрендә үзләре ясаган орнаментлар, матур бизәкләр белән кәгазьдә ясалган татар халык киемнәрен бизәп, күргәзмә оештырдылар.