Кукмара муниципаль районы «Ядегәр авылы Г. Г. Гарифуллин исемендәге урта гомуми белем бирү мәктәбе» муниципаль бюджет  белем бирү учреждениесенең Түбән Шәмәрдән авылы мәктәпкәчә белем бирү төркемендә «Без терроризмга каршы» дигән тематик әңгәмә узды. Балалар өчен аңлаешлы формада терроризмның нәрсә икәнлеге аңлатылды.   Әңгәмә барышында балалар үзләре дә актив рәвештә  сораулар бирделәр, фикерләре белән бүлештеләр. Терроризмга каршы нинди һөнәр ияләре көрәшкәне турында сөйләштек, куркынычсызлык кагыйдәләренә аеруча басым ясадык. Әңгәмә азагында, алган белемнәребезне ныгыту өчен, «Без терроризмга каршы» исемле коллектив хезмәт- плакат ясалды. Мондый әңгәмәләр балаларда үз куркынычсызлыкларына җаваплы караш формалаштыра дип ышанып калабыз.