Бүген бишенче октябрь, Укытучылар көне! Хөрмәтле, яраткан укытучыларыбыз!​ Әлеге күркәм бәйрәм көнендә йөрәктән чыккан иң изге теләкләрне, иң җылы хисләрне кабул итегез! Һөнәрегезгә һәрчак тугры булуыгыз, күңел сафлыгыгыз һәм тырышлыгыгыз өчен зур рәхмәт Сезгә! Барыгызга да исәнлек-саулык, күңел күтәренкелеге, зур уңышлар, бетмәс-төкәнмәс энергия, эшегездә яңа үрләр яулавыгызны телибез! Сезнең һәр дәресегез укучыларны яңа белемнәргә, фәнни ачышларга этәрсен! Тормыш Сезгә һәм укучыларыгызга бары тик “бишле” билгеләре генә куйсын!
Укытучылар көне уңаеннан бүген мәктәбебездә традиция буенча иртәнге котлау акциясе һәм бик матур концерт оештырылды. Укучылар ихлас күңелдән үзләренең остазларын бәйрәм белән котладылар, матур җырларын, шигырьләрен, дәртле биюләрен башкардылар. Укытучыларыбызның төрле кызыклы сорауларга җавап бирүләре, флешмобта катнашулары бәйрәмгә тагын да ямь өстәде. Әлеге матур кичәне оештырган җыр укытучысы Гөлия Рафисовнага, педагог-оештыручы Рамилә Нургаяновнага, тәрбия буенча директор киңәшчесе Лилия Рашитовнага һәм барлык укучыларга олы рәхмәтебезне җиткерәбез!