Бүген бездә Сабантуй!  Мәктәбебезнең матур бер традициясе буенча бүген укучылар һәм балалар өчен Сабантуй бәйрәме оештырдык. Җырлы-биюле, уеннарга һәм бәйгеләргә бай булган әлеге күркәм бәйрәмебез бик күңелле һәм матур үтте. Сабан туена шулай ук Чура һәм Нырья урта мәктәбе укучылары белән укытучыларын да кунакка чакырган идек. Алар үзләренең дәртле җыр-биюләре белән бәйрәмебезне тагын да матурладылар. Сабантуйны оештыручыларга, спонсорларыбызга, бүләк җыюга өлеш керткән авыл җирлеге халкына, барлык катнашучыларга зур рәхмәтебезне җиткерәбез!