Буген укучылар агачлыкка экскурсиягэ бардылар, композиция ясар өчен материал тупладылар. Чәчәкләр турында концерт оештырылды. Чәчәк костюмнары карнавалы булды һәм чәчәкләр бәйрәме үтте.

13 июнь көнне лагерьдэ "Фантазия һәм юмор көне" уңаеннан викторина, төрле бәйгеләр, "Мульти-пульти карнавал" үткәрелде. Укучылар мультфильм геройлары рәсемнәрен ясадылар, җырларны таныдылар, яраткан мультфильмнары турында сөйләштеләр. Балалар хыялланырга яраталар, үзләренең фантазияләрен кәгазьдән киемнәр ясауга багышладылар. Модельләрне күрсәтү бик кызыклы һәм мавыктыргыч килеп чыкты.

12 июнь – Россия көне. Бу көн 1994 елны ­Россиянең беренче Президенты Борис Ельцин тарафыннан тәкъдим ителә. Баштарак бәйрәм Бәйсезлек көне дип аталса, 2002 елдан, гадиләштереп, ­Россия көне дип йөртелә башлый. Бу көнне мәктәбебездэ Россия көне уңаеннан бәйрәм чаралары оештырылды.

Экологик көне уңаеннан урман куркынычсызлыгы кагыйдәләре ойрәнелде. Табигать турында әкиятләр иҗат ителде, табигатькә экскурсия оештырылды. "Әйдзгез, Планетаны саклыйк!" уен программасы үткәрелде. Балалар мәктәп әйләнәсеннән чуп-чар җыю өмәсендә бик актив катнаштылар.

Бу көнне укучылар төрле юнәлештә үзләренең талантларын күрсәттеләр: җыр-бию, спорт, матур сүз,кул эшләре.

Мәктәптә Сәламәтлек көне уңаеннан спартакиада, спорт уеннары, күңелле стартлар булып узды.

Лагерьдә "Светофория иле" темасына рәсем конкурсы, "Куркынычсыз тәгәрмәч" викторина үткәрелде. Юл йөрү кагыйдәләрен кабатлау максатыннан төрле уеннар оештырылды.

Рус шагыйре А.С.Пушкинның туган көне уңаеннан лагерьдә "Рус теле" көне үткәрелде. Балалар рус телендә аралаштылар, викторинада катнаштылар, шигырьләр сөйләделәр, әкиятләр сәхнәләштерделәр, рәсемнәр ясадылар.

1 - 4нче сыйныф укучылары Казан шәһәренә экскурсиягә бардылар. Зоопаркта, Океанариумда булып шатланып кайттылар.