Бөтендөнья Татар конгрессы Башкарма комитетының «Ак калфак» Бөтендөнья татар хатын-кызлары иҗтимагый оешмасының Казан бүлекчәсе уздырган шәһәр күләмендәге “Әни, әнкәй, әнием”  конкурс-бәйгесе  23 нче ноябрьдә 180 нче гимназиядә үтте. Казан шәһәре мәктәп-гимназияләрендә укучы, балалар бакчаларына йөрүче малай-кызларның әниләре ярышты . Барлыгы тугыз әнигә берсеннән-берсе уңган-булган, чибәр икәнлекләрен жюри каршында исбатларга туры килде. Мәскәү районы 2 нче гимназия данын Шагеева Динә ( III урын), ә 102 нче гимназиядән Мотыйгуллина Рәмзия (лауреат) яклады. Киров районы 134 нче балалар бакчасы өчен Нигъматуллина Резедә (III урын)  чыгыш ясады. Әниләр барысы да тамашачы алкышларына, балаларының яратып сокланып елмаюына һәм кыйммәтле бүләкләргә ия булды.