Хөрмәтле әтиләр!Котлыйбыз сезне 23 февраль-Ватанны саклаучылар көне белән.Сезгә саулык-сәламәтлек,бәхет,шатлык телибез.Әтиләргә үз кулларыбыз белән ясалган бүләкләребезне бүләк иттек.

19 февральдэ Мэлки авылы купфункцияле узэгендэ "Йолдызлык" фестивале узды.Безнен, "Карлыгач"балалар бакчасыннан, Волков Богдан белэн Саванина Дарья чыгыш ясады.Жинучелэр исемлегенэ кермэсэк тэ,аларнын чыгышларын бик яратып кабул иттелэр,алкышларга кумделэр.

Балаларның герой-  шагыйрь Муса Җәлил турындагы белемнәрен яңа мәгълүмат белән тулыландыру, шагыйрьнең шигырьләрен дөрес, аңлап, сәнгатьле итеп сөйләү күнекмәләрен үстерү, Муса Җәлил әсәрләренә мәхәббәт, алар аша балаларда патриотизм хисләре тәрбияләү максатыннан балалар белән Муса Җәлил әсәрләрен сәхнәләштердек. Зурлар төркеме Муса Җәлилнең "Карак песи", "Маэмай", кечкенәләр төркеме "Сәгать" шигырьләрен бик оста итеп күрсәттеләр.

Керәшен җырларын иң оста башкаручыларның "Туым җондызы" фестиваленең зона туры быел Мәлкидә узды. "Бәләкәч" ансамбле балалары быел да уңышлы гына чыгыш ясады. Алар 1 дәрәҗәдәге диплом белән бүләкләнделәр һәм Казан шәһәрендә үткәреләчәк гала- концертта чыгыш ясаячаклар. Уңышлар сезгә, бәләкәчләр!

Ап-ак мамык кар ява,

Акка төреп дөньяны.

Бүген безне үз янына

Яшел чыршы җыйнады.

Без килдек бүген монда

Яңа ел бәйрәменә,

Яшел чыршы тирәсендә

Җыр  җырлап әйләнергә.

Кыш бабайны балалар түземсезләнеп көтте. Аюлар урман аланындагы юлны кардан чистартты, убырлы, шүрәле белән очраштылар. Аларның биремнәрен үтәп, Кыш бабай белән Кар кызын каршы алдылар. Балалар Кыш бабайга шигырьләр сөйләделәр, җырладылар, биеп тә күрсәттеләр. Кыш бабай белән Кар кызы бүләкләр өләштеләр.

Әти-әниләрне бакча тормышына җәлеп итү, алар арасында сәләтлеләрне билгеләү һәм бәйрәм рухын тагы да арттыру максатыннан бакчабызда быел әти-әниләрнең кул эшләренә багышланган күргәзмәләр оештырылды. Темаларын төрледән сайладык: кемнәргәдер чыршы бизәү өчен уенчыклар ясарга, кемнәргәдер Кыш бабай белән Кар кызын ясарга кирәк иде. Бу чарага әти-әниләр бик теләп, хуплап алындылар һәм барыбызны да сокландырып берсеннән-берсе матур кул эшләрен алып килә башладылар. Әниләрнең кул җылысы һәм балаларның фантазияләре һәм теләкләреннән тупланган бу күргәзмәләр бик матур булып оешты, һәр эш бакчабызның түрендә урын алды. Барлык эшләр дэ әти-әниләр, килгән кунаклар хозурына куелды.

Без исә, һәр катнашкан, үз вакытларын табып, бала күңелен күреп, аларны куандырып төрле кул эшләре ясап алып килгән әти-әниләргә олы рәхмәтләребезне җиткерәбез! Сезгә балаларыгызның куанычын күреп, гаилә бәхетен татып яшәргә язсын. Яңа ел тагы да зур куанычлар алып килсен!!!

Бүген минем туган көн.

Булсын иде ул һәр көн!

Матур бүләк алып килде

Мине котларга һәркем.

Бүген Корников Вадимга 6 яшь тулды. Дуслары аны котлап җырладылар, биеделәр. Бик күңелле ял иттеләр.

Дөньяда иң яхшы әни,

Беләсезме,кемнеке?

Белмәсәгез, үзем әйтәм,

Ул әни бит- минеке.

Хөрмәтле әниләр! Балаларыгыз әзерләгән бүгенге бәйрәмгә килгәнегез өчен, күңелле итеп катнашып утыруыгыз өчен рәхмәт сезгә. Бала өчен җир йөзендә әнидән дә якты, әнидән дә рәхимле, мәхәббәтле, әнидән дә олы җанлы зат юктыр. Балаларыгызга дөньяның рәхәтен, тормышның михнәтен, күңелнең сафлыгын аңларга өйрәткән өчен, алар сырхаулап ятканда, күкрәгегезгә кысып " Җан җимешем, балам"  дип, чын күңелдән борчылганыгыз өчен рәхмәт сезгә. Сез булмасагыз, алар оясыз кош, моңсыз җыр, җырсыз сандугач кебек булыр иделәр. Озын гомер, тән сихәте, саулык, күңелегездәге җан җылысыныҗ нурын сүндермичә балаларыгызга  алга таба да яхшы тәрбия биреп яшәвегезне телибез.

Тиздән Әниләр көне,

Әниләр бәйрәме.

Беләм, мин, ярата ул

Чәчәкләр бәйләмен.

Бүген бакчабызда мәктәпкә әзерлек төркеме балалары белән якынлашып килүче "Әниләр көне" уңаеннан "Әниемә чәчәк бүләк итәм" дип исемләнгән рәсем конкурсы булып узды. Һәр бала әнисенә, әбисенә үз куллары белән бүләкләр әзерләде.

Балалар тәрбияче апалар белән бергә субботникка чыктылар.Алар апалардан калышмыйча,тырышып эшләделер.