Укытучыларны котлап бәйрәм линейкасы үткәрлде. Бәйрәмдә укытучылар төрле номинацияләргә лаеклы булып медальләр белән бүләкләнде,укучылар әзерләгән "әйбәт-гайбәт" ролигын карадылар  һәм укучыларның котлауларын тыңлап уздылар.

Өлкәннәр көненә багышланган әдәби- музыкаль кичә. Әбиләр белән оныкларның ярышлары аралаш   укучыларның концерт чыгышлары белән әзерләнгән кичә бик күңелле узды.

Агач утырту-ул экологияне генә яхшырту түгел, ул әле Җирдә яшәүне саклап калу да. Экология елы кысаларында укучылар директорыбыз Наил Әмир улы җитәкчелегендә миләш агачлары утыртып чыктылар.

21 сентябрь көнне мәктәбебез илкүләм "Тынычлык  күгәгчене" акциясендә катнашты. Укучыларыбыз һавага  дистәләгән шарлар очырды.

Иминлек айлыгы кысаларында балаларның, велосипедта йөрү кагыйдәләрен,  саклап йөри белүләрен практикада ачыкладык. Укучылар велосипедта кагыйдә буенча  йөри белү осталыкларын күрсәтеп ,төрле уен-ярышларда катнаштылар. Бүгенге чара бик күңелле һәм кызык узды. 

Бүген бөтен дөнья күләмендә матурлык көнен каршылыйлар. Безнең дә үз матурлыгыбыз бар.

Бишкә генә укыр өчен

Көтеп алдык без көзне.

Мәктәп! Якты залларыңа

Каршы ал инде безне.

Гөлләр кебек үсәр өчен

Бакча син безгә, мәктәп!

Безнең туган илебездән

Бүләк син безгә, мәктәп!

Бу бәйрәмне мәктәп яны ял һәм хезмәт лагерена йөрүче укучылар билгеләп үтте.Бу чара өч этаптан торды.Беренче этапта укучылар "Россия -ул без" исемле фильм карап уздылар,икенче этап "Үз кулларыбыз белән"дип аталды һәм анда укучылар уз куллары белән дәүләт символларын ясадылар һәм өченче этап саф һавада уеннар белән тәмамланды.