Лицеебызныӊ ветеран укытучысы Юсупова Гөлнур Рәйхановна ислам дине өчен булган кагыйдәләр, корбан чалу тарихы белән таныштырды.

Бүген лицеебызда Корбан ашы узды. «Татарстан» хуҗалыгы укучылар өчен махсус күчтәнәч ит бирде.

Өлкәннәр декадасы дәвам итә. Шул уӊайдан районыбызның өлкән буын вәкилләре районда төзелгән яңа объектлар, капиталь ремонт үткән биналар белән таныштылар. Кунаклар әле быел гына капиталь ремонт узган лицеебызда да булдылар.

Бүген 9А сыйныфы укучылары иң беренчеләрдән булып килделәр. Алар һәр укытучыны лицей ишеге төбеннән каршы алып, бәйрәм белән котладылар, чәчәк бәйләмнәре тапшырдылар.

Өлкәннәр декадасы дәвам итә. Бүген башлангыч звенода укучыларның «Олыласаң олыны – олыларлар үзеңне» дигән баш астында рәсем күргәзмәсе оештырылды.

Бүген укучылар, укытучыларны һөнәри бәйрәмнәре белән котлап, концерт куйдылар. Балалар бакчасыннан укытучы апаларын бәйрәм белән котларга килгән нәни балалар бәйрәмне җанлатып җибәрделәр.

Тән картайган саен җан яшәрә
Әй көнләшмик әле яшьләрдән.
Җан сафлыгын тоеп, жир йөзендә
Яшәргә дә безгә,яшәргә.

Һәр елны октябрь башында лицей коллективы үзенең өлкәннәрен барлый, аларны матур концерт программасы, мул табынлы өстәлләр артына хәтирәләре белән уртаклашырга, ял итәргә дәшә. Өлкән укытучыларыбыз үзләре укыткан укучыларының балаларын танып, барлап утырдылар. Күңелдәге иң матур хәтирәләре белән уртаклаштылар. 

Лицейда Өлкәннәр декадасы старт алды. Бүген лицейда ветеран – укытучы Зиннатуллина Рауза Фәләхиевна балалар белән очрашуда булды.

Лицейда Әти-әниләр җыелышы узды. Җыелышта Балтач районы прокурор ярдәмчесе Шәрифуллин Фәрит Гомәрович, ПДН инспекторы Файзрахманов Наил Нурисламович, МКУ ныӊ тәрбия эшләре методисты Гаязова Резида Сәләхиевна катнашты.

Лицеебызда «Дуслык» балалар оешмасы эшләп килә. Бүген оешмага яӊа лидер сайлаулары үткәрелде. Сайлауларда 9 нчы сыйныф укучысы Якупов Рәдис җиӊүче дип табылды.