18 һәм 23 нче апрель кѳннәрендә 10 нчы сыйныф укучыларыныӊ рус теле, физика, җәмгыять белеме фәннәре буенча белем дәрәҗәсен ѳйрәнү мониторингы уздырыла. Мониторингта рус теленнән барлык укучылар , сайлап алу нигезендә үз теләкләре буенча физикадан 2, җәмгыять белеменнән 8 укучы катнаша.

10-27 нче апрель аралыгында яна буын белем бирү стандартлары таләпләре буенча 4 нче сыйныф укучыларыныӊ предмет,метапредмет ,шәхси ирешкән нәтиҗәләрен ѳйрәнү мониторингы уздырыла.

10-14 нче апрель – укучылар һәм әти-әниләр ѳчен  анкеталаштыру;

15 нче апрель – метапредмет нәтиҗәләр: текст ѳстендә эш;

17 нче апрель – метапредмет нәтиҗәләр: проект эшчәнлеге;

22 нче апрель – рус теленнән йомгаклау контроль эше;

24 нче апрель- математика буенча йомгаклау контроль эше;

27 нче апрель – әйләнә-тирә дѳнья фәне буенча йомгаклау контроль эше.

Лицейда Туган тел айлыгы чаралары башланып китте. Шул уӊайдан башлангыч сыйныфлар өчен «Кем миллионер булырга тели?» интеллектуаль уены үткәрелде.

Бөек Җиӊүнеӊ 70 еллыгын бәйрәм итү уӊаеннан «Җиӊү дәресләре» узды.

3 нче сыйныф укучылары Нәҗипов Нурзил һәм Зиннатуллина Алинә Киров өлкәсе Малмыж районында беренче тапкыр уздырылучы «Татар шагыйрьләре сугыш турында» дип исемләнгән әдәби-иҗади бәйрәмдә катнашып кайттылар.

Яшүсмерләрнеӊ Каюм Насыйри исемендэге XIII  төбәкара фәнни-тикшеренү укуларында катнашып, 8 сыйныф укучысы Латыйпова Ландыш II дәрәҗә дипломга лаек булды.

Бүген лицеебызның кызлар командасы район күләмендә үткәрелгән баскетбол ярышында I урынга лаек булдылар. Афәрин, кызлар, киләчәктә дә зур үрләргә ирешүегезне теләп калабыз.

Бөек Җиңүнең 70 еллыгына багышланган чираттагы тәрбия сәгатьләре «Каләмне корал итеп» дигән баш астында үтте.

Бүген башлангыч сыйныф укучылары отжимание буенча ГТО нормалары тапшырдылар.

Лицеебызныӊ, озак еллар шофер хезмәтен башкаручы олы хөрмәткә лаеклы, игътирамлы, укучыларныӊ яраткан юлдашчысы булып торган Габделхаков Рифат Равилевичныӊ, бүген 50 яшьлек юбилее. Сезне кояш нурлары ак карларны, пакъ җаннарны җылыткан кѳндә, якты дѳньяга килгән иң олуг бәйрәмегез, туган кѳнегез белән тәбриклибез. Киләчәк тормышыгыз борчу-мәшәкатьсез, куаныч-шатлыклар белән генә үтсен. Сезне бервакытта да сәламәтлек ташламасын. Балалар кайгысы күрмәгез.

Хезмәткәрләр күңелендә сиңа,

Бары хөрмәт, рәхмәт хисләре;

Гомереңнең зая узмаганын

Әйтеп тора матур эшләрең.