Мәктәпкә әзерлек һәм зурлар төркемендә туган илне ярату, аның тарихы белән кызыксыну, туган илгә тугрылык, горурлану хисе, дәүләт законнарына уңай мөнәсәбәт тәрбияләү максатыннан Россия Федерациясенең Конституциясе көнен билгеләп үттеләр.

На базе нашего детского сада прошёл зональный этап конкурса "Воспитатель года - 2025". Конкурсанты показали своё мастерство, умение оперировать методамии приёмами современных технологий.

Инвалидлар декадасы кысасында мәктәпкә әзерлек һәм зурлар төркемендә тәрбияләнүчеләр "Үз кулларың белән яхшылык эшлә!"дигән девиз астында мөмкинлеге чикләнгән балаларга яхшылык, мәрхәмәтлелек, ярдәм итү теләген үстерү максатыннан "Яхшылыкны без бергә эшлибез!"дигән эмблема ясадылар.

Инвалидлар декадасы кысасында уртанчылар һәм зурлар төркеме балаларында мөмкинлеге чикләнгән балаларга яхшылык, мәрхәмәтлелек, ярдәм итү теләген үстерү максатыннан "Яхшылык эшлик!" дигән презентация күрсәтелде.

"Татарстан флагы дуслык һәм бәхет теләп җилферди!"
Уртанчылар төркеме балалары Татарстан Республикасы флагы көнен билгеләп үттеләр.

Әниләрне фәрештәләр диләр,
Фәрештәләр була канатлы.
Ә минемчә газиз әнкәйләрнең
Балаларыдыр ул - канаты.
Канатларны раббым каермасын,
Сау- сәләмәт булсын балалар!
Җан җимеше таза булса гына
Тыныч яшәр җирдә аналар... 

Уртанчылар төркемендә тәрбияләнүчеләр әниләр көне уңаеннан "Син, әни, берәү генә" дип исемләнгән бәйрәм иртәсе үткәрделәр. Бәйрәм "Аулак өй" күренеше белән үрелеп барылды. Балалар әниләре белән күңелле ял иттеләр.

Көзнең соңгы көннәрендә,
Кышка кереп барганда.
Әниләребез кунакта,
Бүген бездә бакчада.
Әни сүзе иң матур сүз,
Иң бөек сүз дөньяда.
Без бәхетле, шат балалар,
Әни янда булганда. 

Мәктәпкә әзерлек-зурлар төркемендә тәрбияләнүчеләр әниләр көне уңаеннан "Әнием, иң кадерлем" дигән бәйрәм иртәсе үткәрделәр.Бәйрәмнең икенче өлешендә балалар "Кызыл калфак" әкиятен сәхнәләштерделәр. Әниләрне җырлаттылар, биеттеләр, уеннар уйнаттылар. 

Кадерле әниләребез! Сезне бөтен җир йөзен бизәгән әниләр бәйрәме белән тәбриклибез.
Көннең яктылыгы-кояшта, күкнең матурлыгы-йолдызларда, җирнең гүзәллеге-хатын-кызларда.
Әниләрне фәрештәләр диләр,
Фәрештәләр була канатлы.
Ә минемчә газиз әнкәйләрнең
Балаларыдыр ул канаты.
Һәрвакытта булдың өйнең яме.
Авыр чакта безгә син терәк
Озак яшә, һәрчак сәламәт бул,
Син бит,әни,безгә бик кирәк,-дип иң кечкенәләрнең икенче төркеме балалары әниләрен бәйрәм белән котлый.

Бүген кечкенәләр төркеме балаларының "Әниемә бүләк" дип аталган бәйрәм иртәсе үтте.
Зәңгәр күктә ал кояш
Сүнмәсен, балкып торсын.
Әниләрнең нурлы йөзе,
Гел көлеп кенә торсын!
Бөтен әниләргә кояш
Тигез өләшсен нурын.
Таңыбыз тыныч булсын!
Таңыбыз нурлы булсын! - дип үзләренең матур сүзләрен җиткерделәр. 
Әниләребез гел якты йөзле, тәмле сүзле булып балаларны сөендереп торсыннар

Мәктәпкә әзерлек төркемендә, сулыш хәрәкәтләрен дөрес координацияли белүне күнектерү максатыннан, "Шарны өреп керт" сулыш гимнастикасы уздырылды