20 нче март көнне Кариле спорткомлексында "Гаилә формуласы" дип исемләнгән чара узды. Мәктәпкә әзерлек төркеменә йөрүче Шарифуллина Динәләр гаиләсе катнашып финалга чыкты. Аларга олы рәхмәтебезне җиткереп, алга таба да зур уңышларга ирешүләрен теләп калабыз.

Бүген районыбызда "Талантлар парады" III төбәкара балалар иҗат конкурсы булып узды. Бу конкурста мәктәпкә әзерлек төркеменә йөрүче Акбиров Адел I дәрәҗә лауреат, "Забава" бию төркеме II дәрәҗә лауреат, "Сәйлән" төркеме кызлары: Мухаммадиева Айсылу, Насибуллина Сафия III дәрәҗә дипломантка ия булдылар. Афәрин балалар!!! Алга таба да шулай актив булып зур җиңүләргә ирешергә язсын сезгә.

28 февраль Дөньякүләм татар халык ашлары көне буларак билгеләп үтелә. Шул уңайдан мәктәпкә әзерлек төркеме балалары күренекле аш-су остасы Гөлфәния Мәхмүтова белән күңелле, тәмле һәм эчтәлекле очрашуда булдылар. Чарада татар милли ризыкларын әзерләү үзенчәлекләре белән якыннан таныша алдылар. Аның куллары белән әзерләнгән тәмле ризыклардан авыз иттеләр.

27 февраль көнне Кукмара районының Олыяз урта мәктәбендә III республикакүләм "Туган тел - тормыш көзгесе" фәнни-гамәли конференция узды. Әлеге чара кысаларында төрле юнәлешләр буенча бәйгеләр үтте. Бакчабызның мәктәпкә әзерлек төркемендә тәрбияләнүче Нәбиев Риян "Нәни сандугач" җыр бәйгесендә 3 нче урынга лаек булды. "Сезгә  әйтер сүзем бар..." юнәлешендә балалар бакчабызның тәрбиячеләре уңышлы чыгыш ясап, Шәрипжанова Р.З., Муллагалиева Г.Х. 2 нче, Гатауллина Г.Г., Рәхимҗәнова З.Н. 3 нче урыннарны яуладылар.

22 февраль көнне балаларга хәрби--патриотик тәрбия бирү, бер-берсенә игътибарлылык, дуслык тәрбияләү максатыннан мәктәпкә әзерлек төркеме балалары белән Аҗаган уены үткәрелде. Уеннар вакытында балалар җитезлекләрен, тырышлыкларын күрсәттеләр.

2012 елдан бирле 14 февраль "Бөтендөня китап бүләк итү" көне буларак билгеләп үтелә. Без балаларга китапка карата мәхәббәт, сакчыл караш тәрбияләү өстендә һәрдаим эш алып барабыз. Безнең бу күңелле чарада китапханәче Лилия Разгил кызы да катнашты.

Балтачның 1 нче номерлы балалар бакчасында үткәрелгән "Балачакның куркынычсыз юлы"-дип исемләнгән шигырь конкурсында: Давлятова Диләрә 1 урын, Ильясов Рияз 2 урын, Хисамов Ризван 3 урын, Галиева Нәфисә 3 урын, Рамазанова Алия, Галиев Ислам, Мухаммадиева Айсылу, Шамсутдинова Лилия катнашучы дипломнарына ия булдылар. Афәрин балалар, сез булдырасыз, алга таба да уңышларыгыз күп булсын.

Тәрбиячебез Ризәлә Фанис кызы "Ел тәрбиячесе - 2024" конкурсының зона этабында катнашты. Киләчәктә дә аңа зур уңышлар телибез. Без сезнең белән горурланабыз!

Мәктәпкә әзерлек төркеме балалары Норма авыл китапханәсендә уздырылган "Татар әкиятләрендә - Экология!" дип исемләнгән әдәби дәрестә катнаштылар. Китапханәче аларга Э. Хуҗахановның "Умырзаяның дуслары", Солтан Шәмсин "Ут хәйләсе", С. Галимованың "Без җиргә кирәк әле" дигән экологик әкиятләре кычкырып укылды. Балалар үз фикерләре аша  үзләренең матур уй-теләкләре белән уртаклаштылар.