9 нчы декабрь көнне гимназиянең 6нчы А классында сыйныфташымның туганы белән очрашу булды. Аның исеме - Павлов Андрей  Петрович. Ул, “Грозный” ракета крейсерында  2 нче ранглы капитан булып, Кара диңгез  флотында  хезмәт иткән. Хәзер аңа 76 яшь. Андрей Петрович Балтачта туып үскән, яшәгән, укыган. Озак еллар  Севастопольдә яши, Балтачка кунакка гына кайта. Ул 25 ел флотта хезмәт иткән, бик күп илләрдә булган, диңгез-океаннарны кичкән. Диңгезче булу аның  кечкенә чагындагы хыялы булган, һәм ул чынга ашкан. Андрей Петрович безгә үзенең эше турында сөйлде. Бу эшкә өйрәнү авыр диде, ләкин миңа рөхсәт бирсәләр, хәзер дә диңгез буйлап йөреп кайтыр идем, ди. Үзенең яшь чагындагы фотоларын күрсәтте. Хәрби училищены тәмамлагач, курсантларның һәрберсенә тапшырылган кортигын да алып килде. Бу кортикны тотып карау безгә аеруча ошады. Аның хатыны, кызы, оныгы һәм оныкларының балалары бар икән инде. Без Андрей Петровичка күп сораулар яудырдык, ул исә аларга тулы итеп җаваплар бирде. Бу очрашу безгә бик кызык һәм күңелле булды.

Казан Кремлендә коррупциягә каршы бәйге булып узды. Чара Халыкара коррупциягә каршы көрәш көненә багышланган иде. Бүләкләү чарасын Татарстан Президенты Аппараты җитәкчесе Әсгать Сәфәров ачып җибәрде. Балтач гимназиясенең  5нче А сыйныфы укучысы Мәликә Кәлимуллина (җитәкчесе Лариса Магсумова) Рәхмәт хаты һәм “Хезмәт” газетасы редакциясе “Басма материаллар циклы” номинациясендә дипломга ия булды.

9 нчы декабрь көнне МБУГУ “Балтач гимназиясендә”  “Реал” үзидарәсе  тарафыннан 9 -11 нче сыйныфлар өчен Нәрсә? Кайда? Кайчан? уены үткәрелде. Кызыклы сораулары, көйләре белән үзенчәлекле булган чара барлык укучыларның һәм укытучыларның күңеленә бик хуш килде.                                               

9 нчы декабрьдә Ватан геройлары көне уңаеннан МБУГУ “Балтач гимназиясе”ндә “Үз геройларыңны бел” исеме астында чара уздырылды. 9 нчы А һәм 9 нчы Б сыйныф укучылары төрле чорда яшәгән геройлар һәм аларга бирелгән орден, медальләр белән танышты.

8 нче декабрь  көнне МБГБУ "Балтач гимназиясе"ндә коррупция көненә багышланган чара булып узды. 7 нче А сыйныфы укучылары белән очрашуга Балтач районы прокуратурасының вакытлыча прокурор вазифасын башкаручы Шәрифуллин Фәрит Гөмәр улы килде. Әңгәмә барышында коррупциянең төрле өлкәләрдә чагылышы ачыкланды.

8нче декабрь көнне 8нче б сыйныфы кызларына Әхмәтханова Дамира апа камыр ризыклары әзерләү буенча осталык дәресе тәкъдим итте. Пешекче һөнәрендә ике дистә елдан артык  эшләүче  Дамира  апа  гөбәдия  һәм башка камыр ризыклары пешерү осталыгы белән уртаклашты. Үзләренең дә өлеше кергән гөбәдия белән чәй эчү укучыларның күңеленә бик хуш килде. Үз эшенең чын остасы булган һөнәр иясенең киңәшләре кызларга киләчәк тормышларында ярдәм итәр.

  8нче декабрь Субаш  мәктәбендә  үткән  туризм  ярышында Гыйләҗетдинова  Элина 3нче урын,  Закиров  Азамат  2нче  урын,  Гыйләҗетдинова  Эльвина 1нче  урынны алуга ирештеләр.  Котлыйбыз һәм Республикада зур унышлар телибез!

8  нче А сыйныфы  укучысы  Закиров  Азат  Рәсәйкүләм  информатика олимпиадасының   муниципаль  этабында  призер  статусына  ия  булды. Котлыйбыз!!! Афәрин!!!

“Юные пожарные” отрядының әгъзалары пожарниклар костюмын вакытка кию буенча тренировка дәресләре үткәрделәр.

11 нче А сыйныфы  укучысы  Вәлишина  Чулпан  Рәсәйкүләм  биология  олимпиадасының  муниципаль  этабында  җиңүче, 7 нче А сыйныфы  укучысы  Гәлләметдинов  Азамат  һәм  9 нчы  А  сыйныфы  укучысы  Җәләлов Илдар  призер  статусына  ия  булдылар. Котлыйбыз!!!  Афәрин!!!