Уртанчылар төркемендә "Ватанны саклаучылар көне"нә багышланган музыкаль-спорт бәйрәме узды. Балалар хәрби темага багышланган шигырьләр сөйләделәр, җырладылар, үзләренең көчле, батыр, кыю булуларын төрле спорт ярышларында сынадылар. 

Сабыйлар күңелендә һәрвакыт

Очрашу, бәйрәмнәр еш булсын.

Һәр илдә, һәр җирдә балалар

Бәхеттән, шатлыктан елмайсын

Илебезнең Сочи шәһәрендә барыбыз да көтеп алган "Кышкы олимпиада - 2014» башланды. Әлеге зур спорт чарасыннан без дә читтә кала алмыйбыз. Балалар бакчасында спорт чараларын уздыру тагын да җанланып китте. Спорт темасына әңгәмәләр үткәрү, "Сочи - кышкы олимпиада -2014" - фото-альбомнар ясау, спорт ярышлары, күңел ачу кичәләре үздыру шуңа мисал булып тора.

2 нче кечкенәләр төркеме балалары бүген хоккей спортын якын итеп, шактый уңышларга, җиңүләргә ирешкән  “Вамин” командасы хоккеисты, шушы ук төркемгә йөрүче Зәйнәпнең әтисе Ахметханов А.Ф. белән очраштылар. Үзләре кечкенә генә булсалар да алар бик кызыксынып спорсменның киемнәрен, күп җиңүләр яулап алган бүләкләрен карадылар. 

Балалар бакчасы ЮХИДИнең Балтач бүлекчәсе хезмәткәрләре белән ел дәвамында тыгыз элемтәдә эшли. Менә бүген дә әлеге бүлекчә хезмәткәре - Хадиева Л.М. уртанчылар төркемендә узган интеллектуаль-уен ярышның яратып, көтеп алынган кунагы булды. Балалар уен-ярыш вакытында үзләренең белемнәрен күрсәттеләр. Шукмалайга да юл йөрү кагыйдәләрен өйрәттеләр. Лилия апалары балаларга юлда исән-имин йөрүләрен теләде, бик матур һәм файдалы бүләкләр таратты.

2нче кечкенәләр төркеме балалары төсле буяулар белән рәсемнәр ясарга яраталар. Тәрбияче Хазиева А.Р. аларга "Кар бабай" ясау алымнарын өйрәтә. Ак кәгазъ битләрендә барлыкка килгән рәсемнәр балаларда куаныч, шатлык уята.

По результатам участия в конкурсах детского творчества в течение 36 предыдущих месяцев наш детский сад по состоянию на 1 января 2014 года занял высокое место во Всероссийском рейтинге дошкольных образовательных учреждений России (Рейтинг детских садов) и вошел в 4% лучших организаций, учавствующих в рейтинге.

Бүген бездә  Чаллы курчак театры “Капитошка” кунакта булды. Ул безгә яңача үзгәртелгән “Маша һәм аю” дип исемләнгән әкият алып килде. Тамашаны карау балаларга шатлык бирде, алар яхшы, уңай күңел күтәренкелеге алдылар.

Уртанчылар төркеме балалары бүген Нариман урамы буйлап сәяхәт кылдылар. Балалар үзләренә таныш булган юл билгесе турында сөйләштеләр.