Балалар бакчасына йөрүче балалар әледән-әле төрле интернет- конкурсларда катнашы үзләренең иҗади, интеллектуаль сәләтләрен сынап, үстереп торалар. Мәктәпкә әзерлек төркеменә йөрүче Мухаматгалиев Сәит  “Безнең дүрт аяклы дусларыбыз”- рәсем эшләре конкурсында  II урынга, “Диңгезнең тереклек дөньясы”- мавыктыргыч викторинада  “Мин бар нәрсәне беләм” номинациясендә I урынга лаек булган,  җиңүче дипломнары белән бүләкләнде. Без дә үз исемебездән Сәитне җиңүләре белән котлыйбыз. Шулай ук Сәитнең әти-әнисенә улларын рухландырып, кызыксындырып, терәк булып вакыт һәм матди ягын кайгыртып төрле конкурсларда катнаштыру теләге  белән янып йөрүләре өчен зур рәхмәтебезне җиткерәбез.

   Мәктәпкә әзерлек төркеменә йөрүче Мухаматгалиев Сәит Балтач муниципаль районы “Балалар - яшь үсмерләр спорт мәктәбе” нә йөреп бокс серләрен өйрәнә. Кечкенә генә булса да саллы гына уңышлары да бар инде. Апрель аенда узган  “Хәләл” индустриаль парк призына уздырылган бокс ярышында I урынга лаек булган, Диплом белән бүләкләнгән. Афарин, Сәит! Алда да җиңүләрең күп булсын, котлыйбыз.

“Табигать белгечләре” дип исемләнгән бөтенрәсәй экологик викторинасында катнашып мәктәпкә әзерлек төркеменнән Мухаматгалиев Сәит һәм Муртазина Адилә лауреат исеменә лаек булдылар,  дипломнар белән бүләкләнделәр. (оештыручы-координатор – тәрбияче Гилязутдинова И.В.) Котлыйбыз, балалар, Сезне!

II кечкенәләр төркемендә проект "Үсемлек дөньясын өйрәнү" рәсем эшчәнлегеннән башланып китте. Тема: "Үги ана чәчәк ата"

Зурлар төркеме балалары әти-әниләре белән бергәләп  Г.Тукай әкиятләре буенча рәсемнәр ясап алып килделәр. Гаилә белән бергәләр ясалган рәсемнәр бик эчтәлекле, зәвыклы килеп чыккан иде. Төркем тәрбиячеләре –Хазиева Е.П., Галимуллина Г.М. лар бик матур күргәзмә оештырды.

2 кечкенәләр төркеме балалары (тәрбиячеләр: Галимуллина Л.Г., Хазиева А.Р.) әти-әниләре белән бергәләп Г.Тукай әкиятләрен бергәләп укырга, аларны рәсемнәрдә чагылдырырга бик яраталар.  Балалар бакчасында узган Г.Тукайның туган көн бәйрәменә дә алар әкиятләр буенча бик матур рәсемнәр ясап алып килделәр. Рәхмәт аларга. 

Апрель ае белем учреждениесендә  “Туган тел ” айлыгы дип игълан ителү белән педагогик коллектив алдан төзелгән планга таянып максатчан чаралар үткәрде. Айлыкта коллективның бер генә кешеседә читтә калмады. Педагоглар, балалар, әти-әниләр – һәрберсе үзенең мөмкинлегеннән, иҗатыннан, сәләтеннән чыгып өлешен кертте. “Туган тел” айлыгы Г.Тукайның 128 еллыгы уңаеннан уздырылган бәйрәм иртәсе белән йомгакланды.