8  нче май көнне Бөек Җиңүнең 69 еллыгына багышланган митингта укучыларыбыз өлкәннәрне хөрмәтләде - матур чыгышлары белән аларны сөендерде. 

Җиңү көненә багышлап профотряд оешмасы укучыларга бик мәгънәле, эчтәлекле чыгышлар тәкъдим итте.

Танылган көрәшче Васыйл абый Гарифуллин истәлегенә уздырылган ярышта мәктәбебез батырлары Ислам һәм Әмир 1 нче, 2 нче урыннарны яуладылар. 

30 апрель көнне шаулап-гөрләп мәктәпнең иҗат-отчет концерты узды. Ел буе эшләгән барлык эшкә йомгак  ясалды.Сәхнәгә бер-бер артлы фән, спорт, сәнгать буенча нәтиҗәләргә ирешкән укучылар чыгып барды. Шунысы сөенечле, мондый укучыларның саны елдан - ел арта бара. Концерт биюләрнең күп һәм матур булуы белән аерылып торды. Ә биюләрне өйрәтүче - мәктәпнең хореография түгәрәге  җитәкчесе  Аухадиева Ч.Р.

Апрельнең соңгы көнендә мәктәптә гөрләп ярминкә үтте. Һәр сыйныф үз  "ноктасы"нда  сәүдә итте. Ярминкәгә товар әзерләгән өчен әти-әниләргә рәхмәт белдерәбез!

21-26 нчы апрель көннәрендә мәктәптә туган тел атналыгы үткәрелде. Атналыкны татар теле һәм әдәбияты укытучысы Габделхакова Р.Г. чараларга бай итеп төзеде. 5-6 сыйныфлар өчен "Тамчы - шоу" үткәрелде. Габдулла Тукайның иҗатына, тормышына багышланган әдәби викторинада да укучылар актив катнаштылар. Җиңүчеләргә дә, катнашучыларга да истәлекле бүләкләр тапшырылды.

Туган тел атналыгы кысаларында үткәрелгән иҗади эшләр һәм кроссвордлар бәйгеләренең җиңүчеләре.

Кәгазьдән һәм пластилиннан кул эшләре ясап туган тел атналыгын бизәүче егетләребез Әлфис һәм Илдан.

4 сыйныф укучылары Гарипова Зөһрә инглиз теленнән, Галләмов Алмаз рус теленнән Балтач районы Мәгариф идарәсенең яхшы нәтиҗәләргә ирешкән өчен рәхмәт хатына  ия булдылар. Рус теленнән олимпиадага  әзерләүче -   Гайфуллина Э.Г., инглиз теленнән - Аухадиев И Ф.

Тәрҗемә һәм иҗат эше белән шөгыльләнүчеләр дә телләр атналыгында бүләкләнделәр. 1 урынга 8 нче сыйныфтан Хәйруллин Әмир, 6 нчы сыйныфтан Гарипова Гөлсөя лаек булды. Гомумән, 6 нчы сыйныфлар  - бу чарада иң актив катнашучылар.